dëgjoni

Qysh nga 1 janari i vitit 2005, do të anulohet plotësisht në mbarë botën sistemi i kuotës së produkteve tekstile dhe do të realizohet liberalizimi në tregtinë ndërkombëtare të produkteve tekstile. Ditët e fundit, zëdhënësi informativ i Ministrisë Kineze të Tregtisë i tha gazetarit se Kina është një vend i madh eksportues i produkteve tekstile. Integrimi i ka sjellë eksportit të produkteve tekstile të Kinës rastin e zhvillimit dhe sfida serioze. Ndërmarrjet kineze me siguri do të punojnë për ngritjen e potencialit konkurrues të produkteve të tyre tekstile.

Sipas "traktatit të produkteve tekstile dhe të rrobave" të Organizatës Botërore të Tregtisë, qysh nga 1 janari i vitit 2005, tregtia botërore e produkteve tekstile do të rikthehet në sistemin e tregtisë së lirë dhe do të realizohet integrimi. Njëkohësisht, do të përfundojë plotësisht sistemi administrativ 40-vjeçar i kuotës. Si një rezultat i rëndësishëm i bisedimeve shumëpalëshe të tregtisë në Uruguai, intengrimi i produkteve tekstile është gjendja e përgjithshme, përputhet me interesat afatgjata të anëtarëve të ndryshëm dhe ka rëndësi pozitive për nxitjen e përparimit teknik dhe të rregullimit të strukturës të industrisë tekstile si dhe për krijimin e mjedisit të tregtisë së lirë e të konkurrencës së barabartë. Si një vend anëtar i Organizatës Botërore të Tregtisë, Kina jo vetëm ka të dretën të gëzojë rezultatet e integrimit të produkteve tekstile, por edhe ka përgjegjësinë të mbrojë rezultatet e produkteve tekstile.

Qysh nga pranimi në Organizatën Botërore të Tregtisë, nëpërmjet pjesëmarrjes në ekonominë e globalizimit, industria tekstile, si një industri tradicionale shtyllë e Kinës, ka patur zhvillim të madh dhe ka dhënë kontribut të jashtëzakonshëm për zhvillimin ekonomik dhe stabilitetin shoqëror. Kina është bërë një vend i madh i prodhimit, i konsumit dhe i eksportit të produkteve tekstile. (Sihai)