Në shtator të këtij viti, regjisori i njohur shqiptar Piro Milkani në përbërje të grupit shoqërues të kryeministrit të Shqipërisë Fatos Nano erdhi për vizitë në Kinë dhe gjatë qendrimit në Pekin, ai i dha një intervistë CCTV-së për rubrikën " Magjia e filmave artistikë". Me këtë rast, redaksia e RJK-së hartoi posaçërisht për dëgjuesit tanë serialin e artikujve "Artisti shqiptar i intervistuar në CCTV". Në emisionet e kaluara, ju njohëm me rrugën 50 vjeçare kinematografike të z. Piro Milkani, bisedat rreth filmit artistik shqiptar "Ngadhnjim mbi vdekjen" dhe me temat e filmave artistikë shqiptarë "Vitet e para" dhe "Oshëtimë në bregdet ". Në emisionin e sotëm do të dëgjoni artikullin me titull "Kujtimet për bashkëpunëtorët të dashur"

Në filmin "Ngadhnjim mbi vdekjen", roli i majorit gjerman u ka lënë spektatorëve kinezë përshtypje shumë të thella. Lidhur me këtë, prezantuesi i njohur i CCTV-së Cui Yongyuan tha se në filmin "Ngadhnjim mbi vdekjen", personazhi negativ, një oficer nazist ishte treguar human duke thënë fjalët më të bukura për atë vajzë komuniste: "Jeta është e bukur, o vajzë, çdo njeri ka vetëm një jetë. Jashtë ndriçojnë rrezet e ndritura të diellit, njerëzit po kënaqen me të gjitha gëzimet e jetës, kurse ti po vuan në burg dhe do të humbësh jetën. " Ndërsa më tej, ai vazhdoi se" Çdo njeri ka interesa individuale, por në bazë të një besimi a ideje, ai kthehet në një njeri të interesave të të tjerëve. Vetëm në prag të vdekjes, ai do të mendojë për interesat personale pa i vënë në dyshim ato shoqërore ".

 Ky oficer gjen në dhomën e komunistes edhe një kitarë që asaj i pëlqente shumë. Duke parë këtë kitarë, komunistja përmendi menjeherë dashurinë e saj romantike. Ky oficer i tha asaj : " Ti do të humbësh të kaluarën e bukur ". Të gjitha këto përshkrime të filmit kanë një theks shumë humanitar. Cui Yunyuan tha se të gjitha këto i kanë lënë atij përshtypje shumë të thella në kohën e fëmijërisë. Lidhur me trajtimin e rolit të majorit gjerman në filmin " Ngadhnjim mbi vdekjen ", z. Piro Milkani tha:"Në rolin e majorit ne preferuam një artist të madh shqiptar Naim Frashërin, artistin e teatrit kombëtar duke menduar që edhe figurat negative janë shumë të rëndësishme në film dhe përfituam nga eksperiencat e shumë filmave të dobët, që ishin xhiruar deri atëherë në shumë vende të botës, të Evropës Lindore, të Bashkimit Sovjetik, në Poloni, në Gjermani, kur ishin impresionet e freskëta, menjeherë pas lufte kanë ndodhur vërtetë ajo, por ajo mënyrë trajtimi mendoj se është filmin në skematizëm, kurse duke e trajtuar në këtë mënyrë, ne deshëm të shpjegonim që nuk egërsia ishte në pamjen e tij të jashtme, por në shpirtin e tij, në ideologjinë që ai përfaqësonte. Sepse fashizmi dhe nazizmi i luftës së dytë botërore në Japoni, Gjermani dhe Itali shfaqi tiparet më negative të karakterit njerëzor, megjithatë dhe siç thoni edhe ju, duke u trajtuar në këtë mënyrë ai bëhet edhe më i rrezikshëm, bëhet më i urryer se sa po të ekspozohej menjëherë si një personazh i keq, si një personazh i urryer, i keq. Por ai bëhet akoma më i urryer sepse çon drejt vdekjes 2 vajza në lule të rinisë dhe ky ishte krimi më i madh që ai bëri." Naim Frashëri ishte i pari prej gjigantëve të mëdhenj të skenës që u nda nga profesioni i tij dhe nga publiku në vitin 1975, i cili kishte qenë njëkohësisht edhe aktori i parë brilant i skenave të improvizuara partizane, ku kishte shkëlqyer.

Duke folur për rolin e sulmuesit veteran në filmin artistik shqiptar "Vitet e para" të luajtur nga artisti i popullit Pandi Raidhi, z. Piro Milkani tha: "Ai ka krijuar një galeri të tërë personazhesh dhe në të vërtetë, ata që e njohin Shqipërinë dhe shqiptarët e dinë që Shqiptarët kanë shumë humor, sepse varfërinë dhe vuajtjet i kemi kaluar përmes përmes buzeqeshjes, përmes shakasë, humorit dhe me të vërtetë, një analfabet, ku mund ta njihte ai Marksin, ai që kishte mjekër, ishte prift në Shqipëri, sepse në të vërtetë shqiptarët nuk mbajnë mjekët vetëm prifti ose hoxhallarët myslimanë mbajnë mjekër dhe, prandaj, ai u çudit dhe tha " ç'ma jep këtë prift pse ma dhuron këtë gjë ?" Figurat e luajtura nga Pandi Raidhi u kanë larë edhe spektatorëve kinezë përshtypje të thella. Edhe shumë aktorë të njohur shqiptarë, si Sandër Prosi, Vangjush Furxhi, Stavri Shkurti, Agim Shuke, të cilët ishin kolosët e artit kinematografik shqiptar, megjithëse u shuan, nga shumë figura të skenës ruhen të gjallë në kujtesën dhe ekranet kinematografike. (zhai)