" Marrëveshja e tregtisë së mallrave" dhe " Marrëveshja e mekanizmit për zgjidhjen e mosmarrëveshjeve midis Kinës dhe Aseanit" janë nga rezultatet më kryesore të kësaj mbledhje. Në këto dy marrëveshje thuhet se nga viti i ardhshëm Kina dhe vendet e Aseanit do të ulin taksat doganore të tregtisë në rajon dhe deri në vitin 2010 këto taksa do të ulen deri në 5%, ose më pak. Në këto marrëveshje vendet e Aseanit e njohin plotësisht statusin e ekonomisë së tregut të Kinës. Duke folur për këto dy marrëveshje, zonja Vej Min tha se ato kanë hapur rrugë për krijimin e Rajonit të Tregtisë së Lirë Kinë-Asean. Ajo tha:

" Këto dy marrëveshje kanë rëndësi të madhe historike. Nga ana politike, ato tregojnë se marrëdhëniet midis Kinës dhe Aseanit kanë hyrë në një fazë të re të bashkëpunimit të gjithanshëm, ndërsa nga ana ekonomike, nënshkrimi i këtyre marrëveshjeve tregon se marrëdhëniet ekonomiko-tregtare midis Kinës dhe Aseanit do të zhvillohen në bazë të këtyre marrëveshjeve dhe më tej do të realizohet objektivi i krijimit të Rajonit të Tregtisë së Lirë midis Kinës dhe Aseanit, objektiv ky i leverdisë reciproke dhe i lulëzimit të përbashkët."

Zonja Vej Min tha : Marrëdhëniet e mira politike midis Kinës e Aseanit kanë luajtur një rol aktiv për nxitjen e zhvillimit afatgjatë dhe afatmesëm ekonomiko-tregtar dhe kanë hedhur bazë të mirë politike për krijimin e rajonit të tregtisë së lirë. Anasjelltas, bashkëpunimi i mirë ekonomik ka luajtur rol nxitës për zhvillimin e marrëdhënieve politike.

Ajo tha se për të garantuar krijimin e këtij rajoni, Kina dhe Aseani duhet të vazhdojnë përpjekjet në këto drejtime: " Duhet të përfundojnë sa më parë bisedimet pët tregtinë e shërbimeve dhe për marrëveshjen e investimeve. E dyta, Kina dhe Aseani duhet të realizojnë uljen e taksave doganore sipas afatit të përcaktuar në këto dy marrëveshje. E treta, duhet të forcojnë bashkëpunimin në fushat doganore, të unifikimit të standarteve, të thjeshtësimit të formaliteteve doganore dhe të realizojnë realisht liberalizimin e tregtisë. ( zhang )