Të dashur lexues, melodia që po dëgjoni titullohet "Peisazh Pranveror në jugun e Lumit Jance" e cila është interpretuar nga Shen Duomi. Bazuar në këngë popullore, në këtë melodi përshkruhet një tablo e bukur pranverore e këtij rajoni duke shprehur dashurinë e njerëzve ndaj vendlindjes dhe jetës së tyre të lumtur.

Shen Duomi ka lindur në një familje muzikëdashëse. Prindërit e saj dëshironin që në të ardhmen ajo të bëhej një muzikante e njohur prandaj, i vunë emrin duke bashkuar 3 nota muzikore So, Do, Mi, pra, ajo quhet Shen Duomi. Kur ishte e vogël, filloi të mësonte t'i bjerë Er Hu-it nga babai i saj. Me talent, përparimi ishte shumë i shpejtë, kështu që kur mësonte në shkollën e mesme, u pranua nga instituti i artistik i Pronvincës Xhë Xhian. Në vitin 1986, ajo vazhdoi studimin e mëtejshëm në Institutin Muzikor të Shangait dhe tani ajo punon si një interpretuese e Ansamblit Kombëtar të Shangait.

Si një interpretuese me mjeshtri të përsosur, Shen Duomi është dalluar nga të tjerët në interpretimin e veprave muzikore karakteristike të jugut të lumit Jance. Ajo ka zënë vendin e dytë në Konkursin e parë dhe të dytë të krijimit dhe të interpretimit të muzikës Së Xhu--- vegla me tela dhe frymore prej bambuje. Në vitin 1989, si e vetmja konkurruese në profilin e Er Hu të Institutit të Muzikor të Shangait, Shen Duomi mori pjesë dhe fitoi çmimin e interpretimit në Konkursin Ndërkombëtar të Interpretimit me Instrumente muzikore Kineze të organizuar në Pekin.

Të dashur lexues, melodia që po dëgjoni është interpretuar nga Shen Duomi me Er Hu e cila titullohet Këngë e Gëzimit. Në mes tingujve të rrjedhshëm, në këtë melodi popullore në jugun e lumit të Jance kudo tregohet një lloj atmosfere gëzimi.

Shen Duomi ka bërë vizita në Japoni, Austri, Svicër, Honghong dhe vende e rajone të tjera. Kudo që shkonte , është pritur ngrohtë nga publiku. Melodia "Man Sanliu" e interpretuar me Er Hu nga Shen Duomi dhe babai i saj ka ngjallur jehonë të madhe në Hong Kong kur ata bënë vizitë atje. Kjo melodi është adaptuar nga një melodi e famshme me të njëjtin titull në muzikën Së Xhu. Kjo melodi interpretohet me dy Er Hu duke bërë kontrast të dukshëm të ngjyrave të tonit. Me këtë kontrast, ata funksionojnë në mënyrë përsosur për të shprehur plotësisht karakteristikën e kësaj vepre muzikore. Duke ruajtur tipin tradicional të interpretimit të muzikës kineze, Shen Duomi ka thithur edhe mënyra të tjera të interpretimit të muzikës perëndimore në këtë melodi. Kështu që pas përpunimit, melodia bëhet më e këndshme dhe format shprehëse të saj bëhen më të larmishme. Dhe tani, në fund të këtij aritkulli, ju ftojmë të dëgjoni këtë melodi të interpretuar nga Shen Duomi dhe babai i saj.

Të dashur lexues, dëgjuat disa melodi të interpretuara nga Shen Duomi me vegël muzikore kineze---Er Hu. (Çan Yean)