Në vjeshtë të këtij viti, regjisori i njohur shqiptar Piro Milkani në përbërje të grupit shoqërues të kryeministrit të Shqipërisë Fatos Nano erdhi për vizitë në Kinë dhe gjatë qendrimit në Pekin, ai i dha një intervistë CCTV-së për rubrikën " Magjia e filmave artistikë", ku foli për tema të ndryshme, si për filmin artistik " Ngadhnjim mbi vdekjen ", për xhirimin e filmave " Vitet e para " dhe "Oshëtimë në Bregdet ", për bashkëpunëtorët e tij të dashur, për aktorët e njohur shqiptarë, artistët e popullit Naim Frashëri dhe Pandi Raidhi dhe për kompozitorin e shquar shqiptar Feim Ibrahimi që janë ndarë nga jeta, për rubrikën "Magjia e artit të 7-të" që ka drejtuar, si dhe për procesin e prodhimit të filmave artistikë në të kaluarën dhe sot.

   Të gjithë këto zgjonin interes të madh për spektatorët kinezë. Pasi foli për procesin e prodhimit të filmave artistikë në të kaluarën, z.Piro Millani u tregoi korrespondetëve të CCTV-së edhe për prodhimin e filmave artistikë sot në Shqipëri.

   Ndër të tjera ai tha : "Unë i kam zili regjisorët e sotëm, të cilët kanë liri absolute në krijimtarinë e tyre duke mos pasur asnjë konflikt apo kontroll.

   Kurse filmat tanë kalonin në shumë sita në shumë filtra deri sa filmi ka dalë ashtu siç është, edhe mua sot e kësaj ditë më dhëmbin disa skena të bukura, të cilat me urdhër janë shkurtuar si p.sh skena dashurie, skena finale poetike e për absurditete apo kapriço të kota, për ngushtësi dhe padituri profesionale sepse të gjithë kishin qejf të thoshin nga një fjalë ose të bënin vërrejtje dhe aty e ndjen veten të zhgënjyer sepse në fund të fundit, ne nuk ishim dizident nuk ishim antikomunistë, ne nuk deshironim të bënim filma kundër Shqipërisë, por gjithmonë atë që ishin në krye donin të thonin fjalën e tyre të fundit.

  Unë kam edhe sot filma që më dhëmb shpirti për skenat që më janë hequr, por në tërësinë e vet e konsideroj veten fatlum sepse mbas 50 vjetësh punësh në sytë e njerëzve të thjeshtë shoh dashuri dhe respekt për punën që kam bërë.

   Përfitoj nga rasti të them që në kineastët shqiptarë jemi më të privilegjuarit në botë. Sepse jemi ndjekur nga spektatori kinez, dhe këtë e kam thënë publikisht në Festivalin Ndërkombëtar të Vienecias para gazetarëve. Unë jam i lumtur që kam pasur miliona spektatorë kinezë" të cilët në shumicën e tyre i kanë pëlqyer filmat e mi, për këtë e ndjej veten të privilegjuar. "(zhai)