dëgjoni

Më 3 dhjetor, Komisioni Shtetëror i Zhvillimit dhe i Reformës të Kinës bëri të ditur se financat qendrore dhe vendase do të invstojnë 11 miliardë e 600 milionë juanë për krijimin e sistemit të parandalimit dhe të kontrollit të sëmundjeve. Parashikohet se në fund të këtij viti shumë objekte të këtij sistemi do të ndërtohen dhe do të vihen në shfrytëzim.

Një drejtues i Komisionit të Zhvillimit dhe të Reformës tha se nga viti 2002, Kina filloi të krijojë sistemin e parandalimit dhe të kontrollit të sëmundjeve në rang province, rrethi dhe distrikti, kryesisht në krahinat qendrore e perëndimore të Kinës. Ndër to me financat qendrore do të ndërtohen 1589 objekte të këtij sistemi, ndërsa me financat vendore do të ndërtohen 836 objekte të tjera të këtij sistemi.

Ky drejtues u shpreh se me ndërtimin e këtyre objekteve do të ngrihet shumë niveli i përgjithshëm i parandalimit dhe i kontrollit të sëmundjeve në vendin tonë, do të ngrihet aftësia e vendit tonë për përballimin e sëmundjeve të rënda dhe të incidenteve të papritura të higjenës publike dhe do të hidhen baza të forta për parandalimin e sëmundjes së sidës, të sëmundjes së tuberkurozit dhe të sëmundjeve të tjera ngjitëse, si dhe për përsosjen e sistemit shëndetësor të vendit tonë.

Nga fundi i vitit 2003, Kina filloi të krijojë sistemin mjekësor të shpëtimit dhe të transformojë kryesisht spitalet e sëmundjeve ngjitëse dhe qendrat e mjekimit e të ndihmës të shpejtë në provincat, qytetet dhe distriktet e Kinës qendrore dhe të Kinës perëndimore.

Një drejtues i këtij Komisioni u shpreh se nëpërmjet krijimit të sistemit mjekësor të shpëtimit nga incidentet e papritura të higjenës publike, do të forcohet aftësia e vendit tonë për përballimin e sëmundjeve të rënda ngjitëse dhe të sëmundjeve të panjohura dhe të papritura, për kontrollin efikas të burimeve të infeksioneve, për ngritjen e përqindjes së shërimit, për pakësimin e vdekshmërisë dhe për pakësimin në maksimum të ndikimeve negative të këtyre sëmundjeve mbi ekonominë dhe shoqërinë tonë.

Epidemia e Sarsit zbuloi disa probleme që ekzistojnë në fushat mjekësore dhe të higjenës publike të vendit tonë. Në vitin 2003 Këshilli i Shtetit i Kinës kërkoi që brenda 3 vjetëve të krijohet një sistem i përsosur mjekësor, një sistem i parandalimit dhe i kontrollit të sëmundjeve të papritura dhe ka rregulluar fondet përkatëse në këtë drejtim ( zhang )