Sipas të dhënave më të reja statistikore të Drejtorisë së Përgjithshme Doganore, deri në fund të nëntorit të këtij viti, në të ardhurat e taksave të rekuizuara nga dogana, taksat doganore dhe taksat importuese kanë zënë përkatësisht 96 miliardë e 3,39 milionë juanë dhe 337 miliardë e 97o mijë juanë, duke u shtuar përkatësisht 13,75% dhe 32,96%. Nga janari deri në nëntor të këtij viti, taksat mesatare doganore të rekuizuara në çdo ditë pune i kaluan të 1 miliardë e 900 milionë juanët.

Drejtori i Drejtorisë së Përgjithshme Doganore, Mu Xinsheng tha se shtimi me përmasa të mëdha i të ardhurave të taksave doganore varet kryesisht nga 4 faktorë: Së pari; Komiteti Qendror i Partisë Komuniste të Kinës dhe Këshilli i Shtetit kanë marrë një sërë masash të rëndësishme për forcimin e punës së doganave dhe kanë parashtruar detyra të ndryshme për të ardhurat e taksave, të cilat janë bërë forca e madhe dinamike e punës së të ardhurave të taksave. Së dyti; zhvillimi i vazhdueshëm dhe i shpejtë i ekonomisë kombëtare dhe i tregtisë së jashtme është bërë bazë e rëndësishme e punës së të ardhurave të taksave. Së treti; sistemi i ekonomisë socialiste të tregut është përsosur nga dita në ditë dhe koncepti i dorëzimit të taksave sipas ligjit të ndërmarrjeve u ngrit në mënyrë të përgjithshme. Së katërti; thellimi i reformës dhe ngritja e aftësisë së shërbimeve të sistemit të doganës kanë siguruar të ardhurat e taksave doganore.

Mu Xinsheng vuri në dukje se krahas krijimit dhe përsosjes të sistemit të ekonomisë socialiste të tregut të vendit tonë, të ardhurat e taksave doganore si të ardhura të taksave qendrore janë burim i rëndësishëm i financave shtetërore.

Këtë vit, të ardhurat e shitjes së automjeteve kineze do t'i kalojnë të 1 trilion juanët.

Qysh nga viti 2004, nën drejtimin e politikës së makrokontrollit qendror, qarkullimi i ekonomisë së industrisë së automjeteve ka ruajtur një zhvillim të qëndrueshëm dhe të shpejtë.

Sipas të dhënave statistikore të Shoqatës së Industrisë së Automjeteve të Kinës, nga janari deri në tetor të këtij viti, në mbarë vendin tonë u prodhuan 4 milionë e 230 mijë automjete, duke u shtuar 17,58% në krahasim me të njëjtën periudhë të vitit të kaluar dhe u shitën 4 milionë e 134 mijë automjete, duke u shtuar 17,59% në krahasim me të njëjtën periudhë të vitit të kaluar.

Nga janari deri në shtator të këtij viti, Kina importoi 136 mijë e 15 automjete dhe eksportoi 72 mijë e 100 automjete. Vëllimi i prodhimit të përgjithshëm të industrisë së automjeteve kineze arriti në 824 miliardë e 7,05 milionë juanë, duke u shtuar 20,53% në krahasim me të njëjtën periudhë të vitit të kaluar.

Duke folur për karakteristikat kryesore të qarkullimit të këtij viti të industrisë së automjeteve kineze, zv/sekretari i përgjithshëm i kësaj shoqate, z. Shen tha se sasia e prodhimit dhe sasia e shitjes kanë ruajtur rritje të shpejtë. Sasia e ekspotit të pjesëve të automjeteve u shtua në mënyrë të dukshme. Gjendja e prodhimit dhe e shitjes të veturave është shumë e mirë. (Sihai)