Në mbledhjen qendrore për punët ekonomike theksohet qartë se do të vazhdojnë forcimi dhe përsosja e makrokontrollit për të garantuar zhvillimin e qëndrueshëm dhe të shpejtë të ekonomisë. Kjo tregon se në radhë të parë duhet të forcohet makrokontrolli. Pastaj, sipas gjendjes dhe problemeve të qarkullimit të ekonomisë, do të përmirësohen masat e ndryshme të makrokontrollit.

Drejtori i Drejtorisë Shtetërore të Statistikave të Kinës, Li Deshui tha se rezultatet aktuale, të arritura gjatë zbatimit të makrokontrollit janë rezultate vetëm të një periudhe. Megjithatë janë zbutur disa kontradikta gjatë qarkullimit ekonomik, por baza ende nuk është e fortë.

Sipas të dhënave statistikore të sektorëve përkatës, tani, përmasat e ndërtimit të centraleve elektrike të mbarë vendit janë shtuar shumë shpejt. Shumë ekonomistë shqetësohen se pas një periudhe do të duket përsëri një gjendje e ndërtimit të tepërt të centraleve elektrike. Ekonomisti, Li Shucheng tha se gjendja e re në ndërtimin e objekteve të energjisë elektrike tregon se vazhdimi i forcimit dhe i përmirësimit të makrokontrollit është i domosdoshëm dhe urgjent dhe tregon analizën gjakftohtë të qeverisë qendrore për gjendjen aktuale.

Njerëzit janë të mendimit se në politikat e makrokontrollit, ndryshimi më i madh është politika financiare. Politikat dhe masat e vitit të ardhshëm të makrokontrollit do të përputhen me gjendjen reale të zhvillimit ekonomik dhe me parimet ekonomike të tregut dhe do të jenë më efikase.

Problemi i bujqësisë, i fshatarëve dhe i fshatrave është një nga pikat më të ndritura në zhvillimin ekonomik të vitit 2004. Disa fshatarë shqetësohen për uljen apo jo të çmimit të vitit të ardhshëm të drithërave dhe për ndryshimin apo jo të politikave shtetërore për përkrahjen e prodhimit të drithërave.

Specialistët përkatës vunë në dukje se megjithatë, prodhimi i drithërave është shtuar këtë vit, gjendja e furnizimit të mungesës së drithërave nuk ndryshon; çmimi i drithërave është ngritur, gjendja e uljes së efektivitetit ekonomik të prodhimit të drithërave nuk ka ndryshuar akoma dhe të ardhurat e fshatarëve janë shtuar shumë shpejt, gjendja e zgjerimit të diferencës së të ardhurave të banorëve të qyteteve dhe të fshatrave nuk ka ndryshuar. Prandaj, duhet të vazhdojë forcimi i politikës në ndihmë të bujqësisë, të fshatarëve dhe të fshatrave. Disa specialistë të Akademisë për studimin e makroekonomisë janë të mendimit se gjatë këtyre vjetëve të fundit, fshati ka dhënë kontribut shumë të madh për zhvillimin e qyteteve. Pamja e qyteteve është ndryshuar shumë shpejt, ndërsa, pamja e fshatrave është ndryshuar shumë ngadalë. Pra, politika ndihmëse vetëm mund të zgjidhë disa vështirësi të përkohshme. Më e rëndësishmja është se shteti duhet të shtojë investimet në ndërtimin e fshatrave. Kështu që, problemi i bujqësisë, i fshatarëve dhe i fshatrave mund të zgjidhet.

Në mbledhjen qendrore për punët ekonomike, theksohet zgjidhja mirë e problemit të bujqësisë, të fshatarëve dhe të fshatrave është detyra më e rëndësishme e partisë. Për këtë, fshatarët e mbarë vendit kanë besim të plotë.

Gjetja e një rruge të zhvillimit me karakteristika kineze në kursimin e energjisë është bërë zgjedhja e domosdoshme e zhvillimit të vazhdueshëm të ekonomisë kineze. Në mbledhjen qendrore për punët ekonomike theksohet kryesisht se kursimi i energjisë dhe zhvillimi i ekonomisë qarkulluese janë një masë e rëndësishme për vënien në jetë të konceptit shkencor edhe dëshirë e banorëve të thjeshtë.

Shpejtimi i reformës dhe vazhdimi i përsosjes së sistemit të ekonomisë socialiste të tregut janë një detyrë e rëndësishme aktuale. Specialistët e disa sektorëve parashikojnë se viti 2005 do të jetë një vit i reformës.

Li Deshui tha se disa probleme të vitit 2004 si investimet e tepërta në zgjerimin e përmasave, mungesa e energjisë, efektiviteti i ulët ekonomik etj, lidhen me mungesën e sistemit. Qeveria qendrore parashtroi qartë se shpejtimi i reformës së sistemit ekonomik bëhet për të krijuar dhe për të përmirësuar garancinë e sistemit të zhvillimit të gjithanshëm, të vazhdueshëm dhe përpjesëtimor.

Specialitët janë të mendimit se duhet të përmirësohen më tej një sërë politikash dhe masash të këtij viti. Pas publikimit të " vemndimeve të Këshillit të Shtetit mbi reformën e sistemit të investimeve", duhet të intensifikohen rishikimi dhe përmirësimi i masave komplekse. Thelbi është shtjellimi i sferës së të drejtave të investimeve publike dhe private dhe rregullimi i veprimeve të tyre të investimeve për të nxitur përmirësimin e strukturës së investimeve shoqërore dhe ngritjen e efektivitetit ekonomik.

Në vitin 2005, thellimi i vazhdueshëm i reformës do të bëhet forcë e madhe dinamike e zhvillimit ekonomik të Kinës dhe do të nxitë punët e përgjithshme.

Krijimi i një shoqërie harmonike socialiste konsiderohet për herë të parë si një detyrë kryesore e punës ekonomike. Specialistët përkatës janë të mendimit se kjo thënie e re ka shtjelluar më tej rëndësinë e zhvillimit të gjithanshëm, të vazhdueshëm dhe përpjesëtimor të shoqërisë ekonomike. Zhvillimi ekonomik është kusht dhe bazë për krijimin e një shoqërie harmonike. Njëkohësisht shoqëria harmonike është garancia e zhvillimit të vazhdueshëm ekonomik.

Për sigurimet shoqërore, në këtë mbledhje kërkohet qartë se do të përmirësohet gradualisht sistemi i sigurimeve shoqërore, do të përmirësohet më tej sistemi i sigurimit të jetës bazë për banorët e qyteteve, do të garantohet minimumi jetik i masave të varfëra popullore dhe do të jepet atyre përkrahje konkrete me fonde.

Njerëzit janë të bindur se krahas zbatimit të këtyre politikave, niveli i jetës së masave popullore do të ngrihet pandërprerë dhe krijimi i një shoqërie harmonike socialiste do të arrijë progres të ri. (Sihai)