Kënga popullore e prrovincës Hëpej me titull: " Të ngrejmë lart balonat" pasqyron ndjenjat e gëzueshme të vajzave, që dalin në pranverë për të bërë ekskursion. Ato sodisin panoramën e bukur të pranverës, duke ngritur lart në qiell balonat e zbukuruara me kujdes prej tyre.

Provinca Hëpej ndodhet në pjesën veri-qendrore të Kinës, pjesa më e madhe e saj është në fushën e madhe të Kinës veriore. Kjo provincë ka burime të pasura të këngëve popullore, si të këngëve të malësisë, melodive, valleve popullore, këngëve të punës etj.

Me ndikimin e mjedisit natyror dhe të mënyrës së jetesës së popullit, këtu këngët popullore dhe meloditë popullore janë përhapur shumë. Në melodinë: "Duet për lulet" që është një melodi tradicionale, e përhapur gjerësisht në provincën Hëpej, këngëtarët duke kënduar i përgjigjen njeri tjetrit për emrat e luleve. Kjo këngë në formë loje këndohet me ritëm të shpejtë e të gjallë e plot frymë jetësore.

Në vargjet e këngës thuhet: "Cila lule çel në janar? Në janar çel lule mimoza. Cila lule çel në prill? Në prill çel lule bozhure. Cila lule çel në korrik? Në korrik çel lule gështenja ujore."

Këngët popullore të provincës Hëpej janë një pasuri shpirtërore e punonjësve të Hëpejit, të krijuara prej tyre gjatë praktikës së gjatë shoqërore. Ato pasqyrojnë jetën, mendimet, ndjenjat, dëshirën dhe zërin e tyre. Janë të shëndetshme, të thjeshta, të bukura dhe të gjalla e kanë karakteristika të theksuara vendosre dhe jetësore, njëkohësisht kanë edhe bazë të gjerë masive.

Ndër këngët popullore të shumta të Hëpejit një peshë të konsiderueshme zënë këngët e punës, si për shembull kënga: "Vjelja e pambukut" që ka një melodi të thjeshtë dhe të shkurtër fshatareske, ku i këndohet vetëm pamjes së punës.

Kënga: "Bariu i vogël" është një këngë e vallëzuar, e përhapur gjerësisht në Hëpej. Një fshatare pyet një bari të vogël për rrugën, kurse bariu i vogël i kthente asaj përgjigjen, vetëm ajo i përgjigjet pyetjeve tw tij. Në vargjet e këngës thuhet: " Kush e ndërtoi urën Zhaozhou? Kush e gdhendi parmakun prej nefriti të urës? Kush e kaloi urën shaluar mbi gomar? Urën Zhaozhou e ndërtoi Lu Bani, parmakun nefriti e gdhendi njeriu i shenjtë, plaku Zhang Guolao e kaloi shaluar urën mbi gomarin."

Në fund të këtij programi muzikor, ju ftoj të shijoni këngën popullore të provincës Hëpej me titull: " Kthimi në shtëpi me foshnjë mbi shpinë." Në këngë përshkruhen gëzimi dhe njëkohësisht padurimi i një nuseje të re për t'u kthyer në shtëpinë e prindërve së bashku me foshnjën e saj.

Të dashur lexues, shijuat një grup këngësh popullore të provincës Hëpej të Kinës veriore. Mirëudëgjofshim herën tjetër! ( Daming )