Lidhur me disa dukuri të shkeljes së të drejtave dhe të interesave të punëtorëve fshatarë, Ministria Kineze e Punës dhe e Sigurimeve shoqërore bëri të ditur, më 16 nëntor në Pekin, se nga tani do të zhvillohen për një muaj aktivitete propaganduese për mbrojtjen e të drejtave dhe të interesave të ligjshme të punëtorëve fshatarë. Në një interrvistë për korrespondentin e radios sonë, zv-ministri kinez i Punës dhe i Sigurimeve Shoqërore, zoti Bu Xhen Fa tha se organizimi i këtyre aktiviteteve ka për qëllim nxitjen e krijimit të një atmosfere të mirë për mbrojtjen e të drejtave dhe të interesave të ligjshme të punëtorëve fshatarë dhe, njëkohësisht. ka për qëllim ngritjen e aftësisë së tyre për mbrojtjen e interesave të veta.

Vitet e fundit, gjithnjë e më shumë fshatarë kanë hyrë për të punuar në qytet. Veçanërisht krahas zhvillimit të madh të industrisë së ndërtimit, sektorët e ndërtimit janë bërë sektorët kryesorë të tërheqjes së krahëve të tepërta të punës nga fshati. Numri i punëtorëve të ardhur nga fshati përbën tani 80% të numrit të përgjithshëm të punëtorëve të ndërtimit. Por, për shkak se punëtorët fshatarë nuk i dinë mirë ligjet dhe rregullat përkatëse, ata janë të dobët në mbrojtjen e të drejtave dhe të interesave të tyre të ligjshme. Krahas kësaj në shoqëri ekzistojnë edhe fenomenet kur disa ndërmarrje nuk respektojnë kontratat, duke shkaktuar zvarritjen e pagesave për punëtorët fshatarë dhe duke shkelur të drejtat e tjera të kësaj kategorie punëtorësh.

Për të mbrojtur të drejtat e interesat e punëtorëve fshatarë, Ministria Kineze e Punës dhe e Sigurimeve Shoqërore vendosi që nga tani të zhvillohen për një muaj në shkallë kombëtare aktivitete për mbrojtjen e të drejtave të punëtorëve fshatarë.

Zv-ministri Bu tha: Ne shpresojmë që nëpërmjet këtyre aktiviteteve të tërhiqet vëmendja e të gjithë shoqërisë sonë dhe të forcohen kontrolli dhe përgjegjësia e administrave të niveleve të ndryshme për mbrojtjen e të drejtave të punëtorëve fshatarë.

Sipas njoftimeve, gjatë këtyre aktiviteteve, sektorët e sigurimeve shoqërore do të përdorin forma të ndryshme për popullarizimin e ligjit të punës. Do të organizohen edhe kurse kualifikimi, ekspozita ose biseda tematike mbi ligjet dhe rregullat përkatëse. Krahas këtyre, në bashkëpunim me mediat, si gazetat e radio-televizionin do të propagandohen dhe do të lavdrohen njësi pune që respektojnë rregullat për mbrojtjen e të drejtave të punëtorëve fshatarë dhe do të ndëshkohen ato që shkelin të drejtat e punëtorëve fshatarë.

Një nga përmbajtjet e këtyre aktiviteteve është dhënia falas punëtorëve fshatarë të broshurës mbi " mbrojtjen e të drejtave të punëtorëve fshatarë". Në këtë broshurë të redaktuar nga Ministria Kineze e Punës dhe e Sigurimeve Shoqërore, flitet kryesisht për të drejtat dhe interesat që gëzojnë punëtorët fshatarë në fushën e sigurimeve shoqërore. Edhe në faqen e internetit të Ministrisë së Punës dhe të Sigurimeve Shoqërore janë publikuar përmbajtjet kryesore të kësaj broshure.

Punëtori Li Guiling që ka ardhur nga një fshat i provincës Hëpej dhe ka punuar për 5 vjet në një kantier ndërtimi në Pekin, i tha korrespondentit tonë: Këto aktivitete janë shumë të rëndësishme për ne fshatarët që kemi ardhur për të punuar në Pekin. Ne do të lexojmë mirë këtë broshurë dhe, në rast se do të fenomene të mos marrjes së pagës, do të kërkojmë ndihmë nga sektorët përkatës për të zgjidhur të tilla probleme.

Sipas njoftimeve, nën kujdesin e qeverisë kineze, po zgjidhet gradualisht problemi i zvarritjes së pagesës së pagave të punëtorëve fshatarë në sektorët e ndërtimit. ( zhang )