Më 8 dhjetor, ky ekip i përbërë nga 27 futbollistë 15-19 vjeçarë do të shkojë në qytetin Bad Kisingen të Gjermanisë për të jetuar dhe për t'u stërvitur. Gjermani Ekhard Krautzun është trajneri kryesor i këtij ekipi që quhet "ekipi i yjeve të vitit 2008". Shoqata Kineze e Futbollit u shpreh se krijimi i "ekipit të yjeve të vitit 2008" krijohet për përgatijen e futbollistëve të talentuar.

Gjermania është një vend i fuqishëm i futbollit në botë dhe ka përvojë të pasur në përgatitjen e futbollistëve të rinj. Futbollistët e ekipit të të rinjve kinezë janë shumë të gëzuar që të kenë rast të bëjnë stërvitje në Gjermani. Qendërmbrojtësi Zhou Sen tha:

"Jemi shumë me fat. Pas arritjes në Gjermani, do të stërvitemi mirë dhe do të marrin pjesë në shumë ndeshje të nivelit të lartë. Shpresoj që pas dy vjetëve, të pranohem nga ekipi kombëtar olimpik i futbollit për të marrë pjesë në Lojërat Olimpike të Pekinit."

Trajneri kryesor i ekipit Ekhard Krautzun është një trajner me përvojë 35-vjeçare. Ai ka parë shumë ndeshje të ekipit kombëtar kinez të futbollit nën 17-vjeç dhe nën 19-vjeç dhe e njoh mirë futbollin e të rinjve kinezë. Krautzuni është i mendimit se shumë futbollistë të rinj kinezë kanë telent të lartë, por u mungon këmbëngulja. Prandaj këtë herë, krahas përgatitjes së aftësisë për të luajtur futboll, ai do të përgatisë edhe këmbëngulja e futbollistëve të rinj kinezë.

Gjatë stërvitjes në Gjermani, çdo javë, ekipi i futbollit i të rinjve kinezë do të marrë pjesë të paktën në një ndeshje të nivelit të lartë, çdo muaj do të marrë pjesë në dy ndeshje ndërkombëtare të nivelit të lartë, do të marrë pjesë gjithashtu në stërvitje të shkurtra të organizuar nga Shoqata Gjermane e Futbollit dhe Federata Evropiane e Futbollit dhe do të shkojë në Argjentinë për të zhvilluar ndeshje me skuadra të famshme vendëse.

Pas dështimit në ndeshjet eliminatore të Kampionatit Botëror të vitit 2006, Shoqata Kineze e Futbollit vendosi të dërgojë futbollistë të rinj në vende të fuqishme të futbollit për stërvitje. Nënkryetari i Shoqatës Kineze të Futbollit Yan Shiduo tha:

"Në krahasim me nivelin e përgjithshëm të sportit kinez, niveli i futbollit kinez është i prapambetur dhe ky është një fakt real. Megjithëatë, Shoqata Kineze e Futbollit ka besim të plotë në ngritjen e nivelit të futbollit kinez. Mendoj se stërvitja e futbollistëve të rinj në vende të fuqishme të futbollit është një mënyrë e mirë."

Në fakt, Shoqata Kineze e Futbollit e ka një përvojë të tillë. Në fund të vitit 1993, Shoqata Kineze e Futbollit dërgoi një ekip të të rinjve në Brazil për stërvitje. Në vitin 1996, ata u kthyen në atdhe, tani shumë nga anëtarët e këtij ekipi janë bërë lojtarët kryesorë të klubeve të ndryshme të futbollit, 7 prej të cilëve janë edhe lojtarë kryesorë të ekipit kombëtar kinez. Shpresojmë që këtë herë, këta futbollistë të rinj të na mbushin me shpresa të reja. (fani)