Ju flet Radio e Jashtme e Kinës, të dashur dëgjues, ju përshëndesim përsëri në programin e sotëm muzikor. Jam Shyguani. Sot do t'ju njohim me muzikën vokale nacionale të krijuar nga Liu Lin dhe Van Zhixin.

Liu Lini është autor i njohur i teksteve të këngëve dhe Van Zhixin, kompozitor i njohur kinez. Qysh nga vitet 80 të shekullit të kaluar, ata kanë krijuar, në bashkëpunim, një grup veprash muzikore nacionale me këngët popullore, tregimet folklorike, poezitë klasike si materiale bazë.

Kënga që po dëgjoni titullohet "Bukuroshja Van Zhaojun kapërceu Murin e Madh". Kjo këngë është krijuar në bazë të një tregimi të kohëve të lashta. Para 2000 vjetëve, Dinastia Han luftonte pandërprerë me kombësinë Xiong Nu një nga pakicat kombëtare të veriut, dhe, si pasojë banorët jetonin në vuajtje dhe mjerim. Një vjazë shumë e bukur me emrin Van Zhaojun u martua me dëshirë me mbretin e Xiong Nusë. Kjo martesë u solli paqën banorëve.

Liu Lin dhe Van Zhixin kanë bashkëpunuar për një kohë të gjatë. Gjatë mbi 30 vjetëve ata kanë krijuar shumë këngë të bukura. Më poshtë, ju ftojmë të dëgjoni këngën me titull "Gruaja Meng Jiangnu", të interpretuar nga këngëtarja e njohur kineze Peng Liyuan.

Teksti i kësaj kënge është krijur gjithashtu në bazë të një tregimi të kohëve të lashta të Kinës. Në Dinastinë Qing të shekullit të 3-të para erës së re, burri i gruas Meng Jiangnu u detyrua të ndërtonte Murin e Madh. Gruaja Meng Jiangnu po i çonte rrobat e dimrit të shoqit. Por kur ajo arriti në Murin e Madh, burri i saj kishte vdekur nga lodhja. Gruaja Meng Jiangnu çau me të madhe. deri sa 400 kilometra nga Muri i Madh u shëmbën.

Kjo këngë është shumë e duhur për dëgjuesit. Shumë shkolla muzikore e kanë marrë këtë këngë si tekst mësimor të muzikës vokale.

Tregimet historike në veprat muzikore të krijuara nga Liu Lin dhe Van Zhixin njihen nga çdo kinez. Veprat muzikore të tyre kanë karakteristika të theksuara nacionale dhe stilin e dallueshëm të kohës. Ato vlerësohen lart nga specialistët e qarqeve muzikore dhe nga muzikëdashësit kinezë.

Më poshtë ju ftojmë të dëgjoni këngën me titull "Man Jianghong" të krijuar nga ata.

Teksti i kësaj kënge është krijuar në bazë të poezisë së njohur të Yue Fei-it, me të njëtën titull "Man Jianghong". Yue Fei ka qënë një gjeneral patriot i njohur në Dinastinë Song të kohëve të lashta. Në poezinë e tij, Yue Fei shprehu vendosmërinë e tij të madhe për rimarrjen e tokave të humbura. Nëpërmjet melodisë ritmike e frymëzuese, kjo këngë shpreh respektetin e kinezëve të sotëm për Yue Fein.

Të dashur dëgjues, ju njohëm me këngët e krijuara nga Liu Lin e Van Zhixin. Programit të sotëm i erdhi fundi. Mirudëgjofshim herën tjetër!(Shyguan)