Gazetari mësoi nga forumi kinez i vitit 2004 për zhvillimin e krahinave perëndimore, që u mbyll kohët e fundit, në Nan Ning, qytet jugor i Kinës, se për të zvogëluar diferencën midis krahinave lindore dhe perëndimore të Kinës në zhvillimin ekonomik dhe shoqëror, provincat e krahinave lindore do të shpejtojnë përkrahjen për zhvillimin e krahinave perëndimore dhe do të inkurajojnë ndërmarrjet e krahinave lindore të bëjnë investime në krahinat perëndimore, në mënyrë që të realizohet zhvillimi i përbashkët i këtyre krahinave të vendit.

Për shkaqe natyrore, historike, shoqërore etj, për një periudhë të gjatë, kanë ekzistuar ndryshime relativisht të mëdha në zhvillimin ekonomik midis 12 provincave, rajoneve dhe qyteteve të krahinave perëndimore dhe zonave bregdetare të Kinës lindore. Për të zhdukur gradualisht këto ndrysjime, qysh nga viti 2000, Kina ka zbatuar strategjinë e zhvillimit të krahinave perëndimore, duke marrë shumë masa të privilegjuara për këtë zonë.

Gjatë 5 vjetëve të fundit, me nxitjen e strategjisë së zhvillimit të krahinave perëndimore, vëllimi i prodhimit të përgjithshëm vendor i krahinave perëndimore është shtuar mesatarisht në çdo vit mbi 10%.

Tani, ndryshimet midis krahinave lindore dhe perëndimore të Kinës vazhdojnë të jenë akoma të shumta. Sipas të dhënave statistikore, deri në vitin 2003, vëllimi i prodhimit të përgjithshëm vendor për frymë i krahinave perëndimore të Kinës nuk ka arritur ende në 40% të nivelit mesatar të krahinave lindore të Kinës.

Provinca Jiang Su është një nga provincat e rritjes më të shpejtë ekonomike të Kinës. Vitin e kaluar, vëllimi i prodhimit të përgjithshëm vendor të kësaj province ka zënë një të dhjetat e mbarë vendit. Nënkryetari i kësaj province, z. Li Çiuanlin tha se provinca Jiang Su do të inkurajojë ndërmarrjet e kësaj province të investojnë dhe të krijojnë fabrika në krahinat perëndimore. Ai tha se në të kaluarën, ishin të shumta shkëmbimet reciproke dhe objektet e bashkëpunimit midis provincës Jiang Su dhe provincave të krahinave perëndimore. Ndër to shumica e objekteve prekin fushën tregtare. Tani, tregtia midis tyre vazhdon të ecë përpara. Edhe sasia e tregtisë po shtohet. Tani, provinca Jiang Su dëshiron të bëjë investime në krahinat perëndimore. Ndërmarrjet për zhvillimin e tregtisë me krahinat perëndimore janë të shumta. Bashkëpunimi midis provincës Jiang Su dhe krahinave perëndimore, me siguri, do të bëhet gjithënjë e më i mirë.

Nënkryetari i provincës Shan Dong të Kinës lindore, z. Wang Renyuan është i mendimit se krahas kalimit si duhet të industrive të krahinave lindore në krahinat perëndimore, duhet forcuar drejtimi i punës së investimeve të ndërmarrjeve, duke u nisur nga gjendja reale e kushteve natyrore dhe e sistemit ekologjik të krahinave perëndimore, në mënyrë që, objektet e investuara në krahinat perëndimore të bëjnë të mundur nxitjen e zhvillimit të ekonomisë vendore dhe të mbrojnë shpejtimin e përsosjes së mjedisit ekologjik.

Funksionarët e provincave të krahinave lindore të Kinës thanë se ata do të krijojnë gradualisht sistemin e koordinimit me provincat e krahinave perëndimore dhe do të forcojnë bashkëpunimin në fushën ekonomiko-tregtare me administratat e provincave të krahinave perëndimore, për të përkrahur zhvillimin e këtyre të fundit. ( Sihai)