Më 29 nëntor, u hap në qytetin Suxhou të Kinës lindore " Simpoziumi i Industrisë Pyjore midis qyteteve të Azisë dhe të Evropës. Në fjalën e rastit, mbajtur në ceremoninë e hapjes, kryetari i Akademisë së Shkencave Pyjore të Kinës, Gjian Xehui tha: Ne bëjmë përpjekje për zhvillimin e pylltarisë në qytetet e Kinës. Ne dëshirojmë, gjithashtu, të forcojmë bashkëpunimin në fushën e pylltarisë së qytetit, me vendet e Azisë dhe të Evropës, duke përfshirë shkëmbimin e informatave dhe të punonjësve shkencorë, për të realizuar civilizimin ekologjik të qytetit dhe harmoninë midis njeriut dhe natyrës.

Gjatë këtij simpoziumi që do të zgjatë 5 ditë, 200 specialistë të 22 vendeve të Azisë e të Evropës, që merren me pylltarinë e qytetit, me planifikimin e ndërtimit të qytetit dhe me studimet e mbrojtjes së mjedisit dhe të kulturës ekologjike, do të diskutojnë rreth efektivitetit social-ekonomik dhe vlerës kulturore të pylltarisë së qytetit dhe rreth problemeve të Lojërave Olimpike të gjelbëruara. Në këtë simpozium do të miratohet edhe një propozim për forcimin e mëtejshëm të bashkëpunimit në fushën e pylltarisë midis qyteteve të Azisë dhe të Evropës.

Në seancën e 29 nëntorit të këtij simpoziumi, shkencëtarët kinezë Pen Xhënhua dhe Gjian Yuzhiu, diskutuan për teorinë dhe praktikën e Kinës në fushën e pylltarisë. Specialistët e Finlandës, Japonisë, Italisë, Anglisë, Malajzisë dhe të Republikës së Koresë folën përkatësisht për vlerën social-ekonomike të pylltarisë së Finlandës, për administrimin e parqeve dhe të hapësirave të gjelbëruara të Japonisë, për pyjet në qytetet e Italisë, etj.

Ky simpozium organizohet bashkarisht nga Drejtoria Shtetërore e Pylltarisë të Kinës, nga Ministria Kineze e Shkencës dhe e Teknologjisë, nga Ministria e Tregëtisë dhe e Industrisë e Filandës, nga Ministria e Mjedisit e Danimarkës, nga Administrata e provincës Gjiansu dhe nga Qyteti i Pekinit.

Ky simpozium mbahet nga 29 nëntori deri më 1 dhjetor në qytetin e Suxhout, ndërsa nga 2 deri më 3 dhjetor do t'i vazhdojë punimet e tij në Pekin. ( zhang )