Z. Cyril Sayag, që ka punuar dhe ka jetuar për 4 vjet në Kinë, i tha gazetarit se në Francë, vendlindja e tij, njerëzit mund të ndeshen me produkte bujqësore të Kinës.

Në çdo qytet të Francës, bile në çdo qytet të vogël të saj, ti mund të shohësh restorante dhe supermarkete kineze. Njerëzit po konsumojnë ushqime kineze me sasi të madhe. Edhe unë kam ngrënë disa herë ushqime të tilla.

Më poshtë, do t'ju njohim me një ndërmarrje të prodhimit dhe të përpunimit të produkteve bujqësore të Kinës.

Shoqëria me përgjegjësi të kufizuara e ushqimeve të eksportit, që ndodhet në An Çu të provincës Shan Dong të Kinës, është një ndërmarrje e madhe e prodhimit dhe e përpunimit të produkteve bujqësore të eksportit. Kapitalet fikse të kësaj ndërmarrjeje arritën në 500 milionë juanë, ajo ka 6 mijë punonjës dhe është një nga 500 ndërmarrjet më të mëdha të prodhimit të ushqimeve në Kinë. Produktet bujqësore të kësaj ndërmarrjeje janë kryesisht zarzavate të ngrira, fruta të ngrira, mishra të ngrira etj. Të ardhurat e shitjes të vitit të kaluar arritën në 560 milionë juanë. Produktet janë eksportuar në Japoni, Korenë e Jugut, SHBA, Bashkimin Evropian dhe në vende ose rajone të tjera të botës.

Në repartin e përpunimit të spinaqit të ngrirë, gazetari pa nga afër se punëtorët po punonin me rregull para linjave të prodhimit. Sipas njoftimeve, këto linja të përparuara të prodhimit janë importuar nga SHBA-ja, Japonia dhe nga vende të tjera dhe kanë arritur nivelin e përparuar ndërkombëtar. Duke folur për procesin e prodhimit të spinaqit të ngrirë, drejtorja e përgjithshme e kësaj shoqërie, zj, Liu Haiyan tha se

produktet tona janë kryesisht produkte bujqësore, teknologjia e prodhimit është e përparuar, lëndët e para janë zgjedhur me rreptësi dhe produktet janë shumë të pastra dhe të sigurta.

Në një mjedis të tillë prodhimi, produktet bujqësore të prodhuara nga shoqëria jonë, janë shitur pandërprerë në dorën e konsumatorëve të huaj.

Në Kinë ka shumë ndërmarrje të tilla. Llojet e produkteve bujqësore, të prodhuara nga këto ndërmarrje, janë të shumta për furnizimin e tregut të huaj. Në këto lloje produktesh përfshihen produktet ujore, drithërat, zarzavatet, mishrat, frutat etj. Në vitin 2003, vëllimi i eksportit të përgjithshëm të produkteve bujqësore të Kinës arriti në mbi 20 miliardë dollarë amerikanë. Produktet janë shitur në mbi 200 vende ose rajone të botës, si SHBA-ja, Japonia, Koreja e Jugut, Australia, Bashkimi Evropian etj. Për të konsumuar ushqime të pastra dhe të sigurta kineze, sektorët përkatës të qeverisë kineze kanë bërë shumë punë dhe kanë krijuar një sërë sistemesh të rrepta të kontrollit të cilësisë së produkteve, për të garantuar pastërtinë e produkteve bujqësore të eksportit.

Njëkohësisht, sektorët e kontrollit të cilësisë së produkteve të Kinës kanë punuar aktivisht edhe për ngritjen e nivelit të përgjithshëm të këtyre ndërmarrjeve kineze dhe kanë marrë një sërë masash konkrete në këtë drejtim. Zbatimi me të gjitha forcat i formës së kombinimit të bazës së prodhimit me administrimin e shoqërisë është një masë efikase.

Tani, shumica dërrmuese e ndërmarrjeve të prodhimit të produkteve bujqësore të eksportit kanë krijuar bazën e vet të prodhimit dhe kanë zbatuar administrimin unik të stadardit, planin unik të mbjelljes, kontrollin unik, përpunimin unik etj. Është krijuar standardi i rreptë i kontrollit të cilësisë në procesin e prodhimit, gjë që ka garantuar pastërtinë e lëndëve të para të prodhimit të produkteve bujqësore që hyjnë në repartin e prodhimit.

Në Shoqërinë An Çu ka mbi 1500 hektarë toka si bazë prodhimi, që shërbejnë lëndët e para të Shooqërisë An Çu sigurohen plotësisht nga kjo bazë, duke siguruar cilësinë e produkteve të kësaj shoqërie.

Këshilltari i bujqësisë i Ambasadës së Koresë së Jugut në Kinë, z. Jeong Moon Seop e pëlqen shumë formën dhe teknologjinë e prodhimit të Shoqërisë An Çu. Ai është i mendimit se produktet bujqësore të prodhuara nga Shoqëria An Çu, me siguri, do të kenë mundësi të mëdha shitjeje në tregun ndërkombëtar. (Sihai)