Të dashur lexues, jam Damini, ju përshëndes përsëri nga Pekini në programin tonë muzikor. Sot ju ftoj të vazhdoni të shijoni një grup tjetër të këngësh popullore, të kënduara nga këngëtarë të pakicave kombëtare kineze.

"Kënga e rakisë", e kënduar nga këngëtarja e famshme tibetiane e Kinës Cajdanzuoma. Kjo është një këngë popullore, e përhapur gjerë e gjatë dhe që këndohet zakonisht nga banorë tibetianë nëpër bankete festive, për t'u krijur mysafirëve një mjedis sa më të ngrohtë. Në vargjet e këngës thuhet: Ne takohemi në banket dhe dëshirojmë që të mos ndahemi kurrë. Njerëzit e mysafirët e dashur të jenë gjithmonë të lumtur dhe të shëndetshëm!

Banorët tibetianë jetojnë kryesisht në Rajonin Autonom të Tibetit, në provincat Çinhaj dhe Gansu të Kinës perëndimore. Banorët tibetianë janë të aftë të këndojnë e të kërcejnë, sepse rafshnalta Çinhaj-Tibet e lartë dhe e gjerë i ka brumosur ata me zemërgjerësi dhe nmekrenari, kushtet e ashpra natyrore u kanë dhënë atyre tiparet e trimërisë dhe të dashurisë për punën, prandaj këngët tibetiane janë si vetë ata, krenare e të hapura.

Cajdanzuoma është këngëtare veterane tibetiane, shumë e preferuar nga populli kinez. Ajo ka mësuar prej rapsodëve folklorikë të Tibetit këngë popullore dhe këngë klasive tibetiane, ajo ka bërë edhe studime sistematike në Konservatorin e Shangait. Ajo interpreton këngë me ndjenja të holla, me zë të ëmbël dhe të qartë, si dhe plot karatkteristika nacionale. Më poshtë, ju ftoj të shijoni këngën e intepretuar nga Cajdanzuoma me titull: "Unë e dua vendlindjen e artë", në të cilën pasqyrohet admirimi i banorëve tibetianë për vendlindjen e tyre.

Kombësia Miao është një nga pakicat kombëtare kineze që jeton kryesisht në Kinën jug-perëndimore. Feigë është një nga format e interpretimit të këngëve popullore karakteristike të kombësisë Miao, që këndohet me zë të lartë, zakonisht nga të rinjtë e të rejat, në rrethanat, kur ata janë të ndarë nga mali ose lumi, për të shprehur ndjenjat e dashurisë. Feigë interpretohet me ton të lartë e kunmbues dhe është shumë tërheqëse. Më poshtë ju ftoj të shijoni "Feigë Shitong", të kënduar nga këngëtarja e famshme e kombësisë Miao të Kinës Avang.

Avang është këngëtare e kombësisë Miao të Kinës. Ajo ka zë të bukur e tingëllues, ajo është e aftë të këndojë këngë Miao dhe këngë të tjera të stilit kombëtar dhe me karakteristika të theksuara nacionale. Kënga: "I këndoj vendlindjes së bukur", e kënduar nga Avang, pasqyron dashurinë e banorëve Miao për vendlidnjen e tyre të bukur.

Kombësia Tujia është një nga pakicat kombëtare kineze, që jeton kryesisht në provincat Hunan e Hubei të Kinës jugore. Banorët Tujia preferojnë të këndojnë e të kërcejnë. Në aktivitetet festive dhe fetare ata shfaqin shumë këngë e valle. Fu Zu Guang është një këngëtar nga kombësia Tujia Ai këndon me zë të lartë e të qartë dhe plot karakteristika lokale. Më poshtë, ju ftoj të shijoni këngën: "Kënga e dashurisë Wushan", ku përshkruhet dashuria e një djaloshi për të dashuren e tij.

Të dashur lexues, shijuat një grup këngësh popullore, të interpretuara nga këngëtarët e pakicave kombëtare kineze. ( Daming )