Ju flet Radio e Jashtme e Kinës, të dashur dëgjues, ju përshëndesim përsëri në programin e sotëm muzikor. Sot do t'ju njohim me violinistin Huang Weibing dhe melodi të huaja të njohura të interpretuara nga ai.

Melodia që po dëgjoni është melodia me titull "serenadë", e kompozuar nga Schubert dhe e interpretuar nga Huang Weibing. Ky koncert për violinë është përpunuar mbi bazë të një kënge artistike, që përshkron dashurinë midis dy të rinjve. Nëpërmjet interpretimit plot ndjenjë të Huang Weibingut, ne mund të ndjejmë dashurinë e të rinjve.

Huang Weibingu është një violinist i vjetër kinez. Që i vogël ai mësoi muzikë dhe në vitin 1954 u pranua në institutin muzikor të Shanghai-it. Pas diplomimit, ai hyri në Orkestrën Simfonike të Guang Zhou-t dhe u bë violina e parë e kësaj orkestre. Huang Weibing ka teknikë shumë e lartë në interpretimin me dorën e majtë në violinit dhe për këtë ka marrë emrin "dora e majtë e djallit". Ai ka interpretuar shumë muzikë për filma e televizion, dhe ka organizuar 2 koncerte recitale, të cilat janë vlerësuar shumë lart nga adhuruesit dhe specialistët e muzikës. 

Huang Weibing i kushton vëmendje shprehjes së ndjenjave në interpretimin e tij. Tani Huang Weibing është afro 70 vjeç. Por ai vazhdon të jetë violina kryesore në orkestrën dhe shpesh merr pjesë në shfaqjet muzikore, ku ai interpretoi plot patos. 

Në fund të programit të sotëm muzikor, ju ftojmë të dëgjoni koncertë për violinë me titull "Mendim", të kompozuar nga Massenet. Fillimisht ka parë një intermexo e operës "Thais" dhe më pas është përpunuar si një koncert i njohur për violinë. Melodia e këtij koncerti është e thjeshtë dhe e bukur. Ndryshimet në këtë melodi pasqyrojnë shqetësimet shpirtërore të personazhit kryesor të operës. Kjo pjesë muzikore ka edhe ngjyrim të theksuar fetar.

Të dashur dëgjues, sot ju njohëm me violinistin Huang Weibing dhe melodi të huaja të interpretuara nga ai. Mirudëgjofshin herën tjetër!(Shyguan)