Sot do t'ju rrëfejmë tregimin me titull "Gougjian dhe Fan Li". 

Në vitet e fundit të periudhës së Pranverës dhe Vjeshtës në historinë kineze, vazhduan për vite me radhë luftrat midis shteteve Vu dhe Yue. Mbreti Gougjian i shtetit Yue filloi luftën për të goditur i pari kundërshtarin, por ai pësoi disfatë vdekjeprurëse dhe u rrethua ngushtsisht në malin Gui-gji për shumë ditë. Ministri Fan Li propozoi që të dorëzoheshin. Gougjiani e dërgoi ministrin Ven Zhong për bisedime me palën kudërshtare.

Ven Zhongu shkoi duke marrë me vete një sasi të madhe floriri dhe disa vajza të bukura që ia dhuroi shtetit Vu. Ai tha: "Në rast se shteti Vu tërheq trupat, mbreti Gougjian është gati të vijë dhe të bëhet shërbëtor i mbretint Fuçai. Fuçai pranoi kushtin e paraqitur nga shteti Yue dhe tërhoqi trupat. Pasi Ven Zhong u kthye, Gougjiani e la atë në vendin e tyre dhe vetë ai dhe Fan Li shkuan në shtetin Vu për të punuar si shërbëtorë të mbretit Fuçai. Më vonë Fuçai i la ata të ktheheshin në vendin e tyre.

Pasi u kthye në vendin e tij, Gougjiani filloi të përgatitjet për hakmarrje. Ai kishte varur një vrer dhe lëpinte çdo ditë që të mos i harronte ditët e hidhura që kaloi si shërbëtor. Pas disa vjetësh, Gougjiani e sulmoi edhe një herë shtetin Vu dhe rrethoi qytetin Gusu, kryeqytet i shtetit Vu. Mbreti Fuçai i shtetit Vu dërgoi dikë për të kërkuar paqe, por Gougjiani i tha të dërguarit të shtetit Vu: "Shko dhe thuaji mbretit tënd Fuçai se perëndia deshi të ma dhurojë mua shtetin Vu dhe unë nuk dua të veproj në kundërshtim me vullnetin e perëndisë."

Kur u kthye i dërguari i tij, mbreti Fuçai tha: "Pendohem që dikur nuk e vrava Gougjianin." Dhe ngriti shpatën e vrau veten. Bashkë me të, u zhduk edhe shteti Vu. Gjatë rrugës për në atdhe, Fan Li i tha Gougjianit: "Administroni si duhet shtetin. Unë nuk do të kthehem." Ai u nis me një varkë për në shtetin Çi dhe pasi arriti atje, i dërgoi një letër ministrit Ven Zhong, në të cilën shkroi: "Unë bashkëpunova 20 vjet me Gogjianin dhe njoha shumë mirë mënyrën e tij të sjelljes me të tjerët. Ai mund të ndajë me ta vështirësitë, por nuk mund të ndajë gëzimet me të tjerët. Por ju, pse nuk largoheni nga ai?"

Më vonë, Gougjiani i dha Ven Zhongut një shpatë dhe e urdhëroi të vriste veten, duke thënë: "Ti më mësove 7 metoda për të përballuar shtetin Vu, por unë përdora vetëm 3 prej tyre dhe e zhduka atë. Tani 4 metodat e tjera t'i kthej ta. Merri ato, shko dhe i zbato tek babai im i vdekur. "Ven Zhongu ngriti shpatën dhe vrau veten.

Në kontrastin e theksuar me Ven Zhong, Fan Li që shkoi në shtetin Çi u mor me bujqësi dhe tregti dhe u pasurua shpejt.

Ju flet radio e jashtme e Kinës. Të dashur dëgjues, dhamë rubrikën "Tregime dhe legjenda kineze".