dëgjoni

Gjatë intervistës në Pekin për rubrikën "Magjia e filmave artistikë" të CCTV-së, regjisori i njohur shqiptar Piro Milkani foli edhe për disa aktorë shqiptarë që luajtën rolet kryesorë të filmit artistik shqiptar " Ngadhnjim mbi vdekjen " Edhe tani spektatorët kineze interesohen për gjendjen e tanishme të aktoreve kryesore të këtij filmi. Sepse figurat e dy heroinave shqiptare janë krijuar me shumë sukses dhe u kanë lënë spektatorëve kinezë përshtypje të thella. Bile shumë vajza kineze endrronin të bëheshin heroina si Mira dhe Afërdita. Z. Piro foli edhe për këto dy artiste shqiptare. Ndër të tjera ai tha: "Edi Luarasi është një aktore shumë e njohur e filmit dhe e teatrit, disa vjet pas filmit, ka pasur një fatkeqësi të madhe sepse burri i saj, regjizori i madh Mihal Luarasi u fut në burg. Ajo u largua nga teatri dhe punoi si rrobaqepëse për shumë vjet. Pas daljes së të shoqit nga burgu në vitin l990, ata shkuan dhe jetuan për l0 vjet në Hungari. Tani ajo është kthyer dhe është aktivizuar përsëri në teatrin kombëtar. Kohët e fundit ka luajtur në një film shumë të bukur. Eglatina Kume ka emigruar si shumë shqiptarë. Për fat të keqe, mbas vitit l990, mbi l milionë shqiptarë kanë ikur për emigrim. Ka shumë nostalgji për Shqipërinë nga shqiptarë që jetojnë në Itali. Eglatina ka luajtur në Greqi filmin "Dashuria që erdhi nga larg", një serial televiziv me histori shqiptarësh që bashkohen me grekët. Filmi flet për bashkëjetesën e shqiptarëve me grekët. Është një film human, njerëzor, që tregon se popujt duhet të jetojnë në paqe dhe në harmoni. Seriali ka pasur shumë sukses në Greqi. Komentatori i njohur kinez Jin Zaojyn, në një artikull për prirjen e muzikës së preferuar kineze si dhe për prej ardhjen e saj, shkruante: "Duhet të falenderojmë filmin artistik shqiptar 'Ngadhnjim mbi vdekjen', ku është një fjalë 'Edhe revolucionarët i bien kitares ? ' gjatë bisedës së vajzës Mira me djaloshin komunist, qe ishte një fjalë e njohur dhe e përhapur shumë në ato vite. Me qe në film bashkëluftëtari thotë se revolucionari mund të luante kitaren, kështu që prej asaj kohe, kitarja u bë një instrument shumë i hapur në Kinë." Kinezët kujtojnë shumë edhe atw djalosh komunist që i binte kitares dhe interesohen për artistin shqiptar Rikard Ljarja që luanti këtë rol. Lidhur me këtë djalosh të atëhershëm, z. Piro Milkani na tregoi: "Rikard Ljaria, është bërë regjizor dhe ka bërë shumë filma. Tani është në pension, nuk punon më." Lidhur me shprehjen e dashurisë në filmat artistikë shqiptarë, regjisori Pito Milkani tha: "Është vërtetë që fryma skematike e filmit të realizimit socialist mbizotëron edhe në filmin sovjetik dhe në filmin çek, në filmin shqiptar dhe filmin kinez dhe në emër të një morali të ashtuajturi socialist u privuam nga shumë gjëra, edhe tek filmi " Ngadhnjim mbi vdekjen", është vetëm sa preket pak dashuria e këtyre dy të rinjve, unë mund tu them se në filmin shqiptar vetëm në vitin l969 në një film pati një puthje, larg e larg dashuria pranohej por megjithatë nuk shkoi në thellësi, vecse a mund të jetojë njeriu pa dashuri, sodomos kur të bashkon mosha, ideali, pjekuria, mentaliteti, prandaj edhe këto pak skena dashurie i dhanë filmit ato vlera, sepse një film i mirë duhet të qendiset si një tantellë e bukur e qëndisur nga ato gratë që bëjnë tantella, edhe ajo ashtu është bërë copa copa duke e plotësuar figurën nga të gjitha anët edhe nga ana njerëzore, e ndjenjave njerëzore dhe nga ana e botëkuptimit që në atë kohë ishte mbizotërues tek një kategori vajzash dhe djemsh që kishin vendosur të luftonin kundër armiqve. (zhai)