dëgjoni

Pak kohë më parë, gjatë vizitës në Kinë, regjisori i njohur shqiptar Piro Milkani dha një intervistë për rubrikën "Magjia e filmave artistikë". Me këtë rast, redaksia e RJK-së hartoi posaçërisht për dëgjuesit tanë serialin e artikujve "Artisti shqiptar i intervistuar në CCTV". Në emisionin e kaluar, ju njohëm me rrugën 50 vjeçare kinematografike të z. Piro Milkani. Në emisionin e sotëm do të dëgjoni artikullin e dytë: Bisedë rreth filmit artistik shqiptar "Ngadhnjim mbi vdekjen". Filmi artistik shqiptar "Ngadhnjim mbi vdekjen" ka qenë një film shumë i njohur në vitet 70-të në Kinë. Ky film që xhirua në vitin l967 ishte filmi i parë që drejtonte z. Piro Milkani. Lidhur me këtë film, z. Piro tha : "Mirëpo pata shumë fat, sepse në filmin e parë artistik "Ngadhnjim mbi vdekjen" punova si bashkëskenarist dhe si regjisor, suksesi i atij filmi në Shqipëri dhe më vonë edhe në Kinë përcaktoi fatin e jetës sime." Korrespodentja mësoi nga Z. Piro se ky film pati sukses të jashtëzakonshëm në Shqipëri, ishte filmi i parë që pati l milionë shikues në Shqipëri, nga 3 milionë banorë. Filmi u nderua me çmimin e republikës. Meqenëse Piro ishte një regjisor i ri e i varfër, prej atij filmi ai mori një dhomë dhe një guzhinë, mori një shtëpi dhe u martua pas 4 vjetësh që ishte fejuar. Filmi i dha atij edhe familje dhe fëmijë. Filmi "Ngadhnjim mbi vdekjen" ishte një film i realizuar shumë mirë artistikisht. Në këtë film janë përdorur 9 retrospektiva. Është i pari film shqiptar që përdor retrospektivën dhe që pati shumë sukses. Z. Piro tha: "Më duket se ajo ishte zgjedhja më e mirë, për arsye se një pjesë e madhe e filmit zhvillohet në burg, në ambjete të mbyllura. Në se filmi do të struktorohej në dy pjesë:pjesa e parë jeta e tyre në liri dhe pjesa e dytë, vetëm në burg, do të kishim një film shumë monoton. Dalja nga burgu, përmes nëntë respekrotivave, i jep filmit frymëmarrje, u jep spektatorëve kohë të ndjekin me më shumë interes ngjarjejet. Për nëntë herë me rradhë, dy botë të ndryshme, bota e robërisë dhe jeta në liri alternohen. Të dyja këto përplasen bashkë dhe kjo, i ka dhënë filmit shumë bukuri. Çdo film ka gjuhën e vet, ka narracionin e vet ka stilin e vet. Në qendër të vëmendjes janë dy krijesa delikate, të seksit femëror. Filma me trima, mashkuj kemi parë shumë, kurse delikatja, e brishta dhe femra, krijesja më e butë e botës e ndodhur përpara egërsisë, kolonelit gjerman, i jep akoma më shumë emocion spektatorit."(zhai)