Oqeanet e mëdhenj tërheqin vëmendjen e kinezëve. Në mbledhjen vjetore të Shoqatës së Shkencëtarëve Kinezë që po mbahet në provincën Hainan të Kinës jugore, shkencëtari kinez, akademiku Van Pinxian, që merret me studimet oqeanike, theksoi se në krahasim me studimet shkencore kozmike dhe studimet shkencore nëntokësore, studimet shkencore oqeanike të Kinës janë të prapambetura. Prandaj duhet të krijohen forca të mëdha shkencore për studimet oqeanike.

Para 50 vjetëve, paraardhësit tanë shkencorë kanë parashtruar orientimin e zhvillimit të gjeoshkencave të Kinës drejt " qiellit, tokës dhe oqeanit". Gjatë 50 vjetëve të fundit, qarqet shkencore të Kinës e kanë ngritur shumë aftësinë e vrojtimit të Tokës, por, në rast se studimet oqeanike, studimet tokësore dhe studimet atmosferike metaforikisht merren si " forca detare, tokësore dhe ajrore" të studimeve gjeo-shkencore, atëherë " forcat detare" janë më të dobëtat dhe studimet në thellësi të deteve janë më të cekëtat.

" Kjo nuk përputhet me zhvillimin e botës së sotme", tha akademiku Van që ka punuar si drejtues i grupit të parë të kërkimeve gjeologjike oqeanike të Kinës. Ai tha se gjatë 50 vjetëve të fundit theksi i studimeve gjeoshkencore të botës është vënë kryesisht në studimet oqeanike. Nga ana tjetër, pas hyrjes në fuqi të Konventës Oqeanike të OKB-së të vitit 1994, është bërë gjithënjë e më e ashpër konkurenca ndërkombëtare në thellësi të oqeaneve, jashtë zonës përkatëse ekonomike. Në SHBA po zhvillohen diskutime për dyfishimin e investimeve në studimet oqeanike. Japonia ka ndërtuar një anije të kërkimeve gjeologjike oqeanike, me tonazh tri herë më të madh se ajo amerikane. Edhe Republika e Koresë ka parashtruar objektivin e globalizimit dhe të informatizimit të shfrytëzimit oqeanik, duke u futur në konkurencën ndërkombëtare.

Duke patur parasyh rrethana të tilla, Akademiku Van vuri në dukje se Kina ka një armatë të madhe të punonjësve gjeoshkencorë, por për një kohë të gjatë kanë munguar forcat e studimeve oqeanike. Prandaj, nga ana akademike, studimet oqeanike kanë frenuar zhvillimin e mëtejshëm të gjeoshkencës së vendit tonë dhe nga ana praktike, ato nuk përputhen me konkurencën ndërkombëtare rreth interesave dhe burimeve oqeanike.

Tani, si nga kërkesa e vendit, ashtu edhe nga potenciali i vendit tonë, ka ardhur koha që studimet tona gjeoshkencore të drejtohen drejt Azisë dhe botës.

Pas fillimit të reformës dhe të hapjes së Kinës me botën e jashtme, Kina ka hedhur hapat e para në studimet oqeanike. Pas disa ekspeditave oqeanike, në vitin 1999 Kina bëri kërkimet e para gjeologjike në detin e Kinës jugore dhe fitoi gurin mineral të thellësisë detare prej 5 mijë metrash, duke ngritur perden e studimeve oqeanike në fushën e studimeve të thellësive të mëdha detare. ( zhang )