Sot do t'ju njoh me një grup këngësh popullore me një stil të veçantë nga Shanbei i Kinës.

Shanbei është krahina veriore të provincës Shanxi të Kinës veri-perëndimore, e cila është një nga burimet kulturore të kombit kinez. Në këtë krahinë janë të përhapura shumë këngë popullore të bukura. Ato janë të mirëpritura shumë nga populli kinez dhe kanë një stil të veçantë. Këngët popullore nga Shanbei i Kinës kanë një gjuhë të gjallë dhe me melodi ritmike e të lirshme. Ato kanë karakteristika të theksuara krahinore dhe atomosfera të jetës.

Këngë që po dëgjoni titullohet "varja e fenerit të kuq". Kjo është një këngë dashurie shumë e përhapur në Shanbei të Kinës. Në këngë thuhet "për vit të ri fenerët e kuq janë varur pranë derës. Fenerët lëkunden në erë. Unë festoj Vitin e Ri së bashku me vëllain tim."

Këngët popullore nga Shanbei i Kinës janë të pasura në lloje. Xin Tianyou është lloji më përfaqësues dhe është më i pëlqyeri nga populli i Shanbeit. Shumica e këngëve të këtij lloji janë krijuar dhe kënduar duke u improvizuar në çast. Më poshtë, le të dëgjojmë këngën përfaqësue të këtij lloji me emër "lulja blu"

Në këtë këngë i këndohet frymës luftarake të një vajze që quhet Lulja blu. Ajo nuk iu nënshtrua sistemit feudal dhe kërkoi lirinë e martesës.

Më poshtë, le të dëgjojmë një këngë popullore klasike me titull "vajtja përtej Murit të Madh". Kjo këngë pasqyron një fenomen historik të krahinës së Shanbeit. Para çlirimit të Kinës, ndodhnin pandërprerë thatësira e përmbysje në krahinën e Shanbeit. Dhe shumë njerëz të varfër duhet të shkonin në krahinën perëndimore të Mongolisë së Brendshme për të fituar para për të mbajtur familjen. Për këtë ata duhet të kalonin përtej Murit të Madh, veprimi i cilit njihet si "vajtja përtej Murit të Madh". Në këtë krahinë janë përhapur shumë këngë popullore me temt e largimit dhe të mallit për të afërmit.

Të dashur dëgjues, tani programit të sotëm muzikor i erdhi fundi. Mirudëgjofshim herën tjetër!(Shyguan)