Ju përshëndetsim përsëri në programin tonë muzikor. Në programin e sotëm do t'ju flasim për kompozitorin e njohur kinez Rao Rongfa dhe këngët e kompozuara nga ai.

Kënga që po dëgjoni titullohet "Dua nënë dhe dua familje". Ajo është kompozuar nga Rao Rongfa, teksti është shkruar nga Yi Xinnan dhe është kënduar nga Kori i fëmijeve Yinhe. Kënga me melodi të fresktë dhe të gëzuar shpreh dashurinë e popullit kinez për atdheun. Në këngë thuhet se atdheu është nëna jonë e dashur që kujdeset vazhdimisht për bijtë e saj. Pavarësisht se ku ndodhemi, zemrat tona fluturojnë përsëri drejt tij.

Rao Rongfa është banor Ke Jia i provicës Guang Dong të Kinës jugore. Në kohët e lashta, për shkak të luftës banorët e zonës qendrore të Kinës shkuan në provicat Guang Dong dhe Fu Jian. Banor Ke Jia do të thotë banorë mysafir pasi ata banojnë në vende të tjerëve. Ata ruajnë gjuhën e zakonet e zonës qendrore të Kinës së lashtë, ndër të cilat këngët malore Ke Jia, janë një formë e veçantë artistike, e ruajtur deri më sot.

Rao Rongfa kërkon aktivisht rrugë të reja të krijimit të këngëve malore Ke Jia. Ai ka kompozuar shumë këngë në bazë të këngëve malore Ke Jia. Këto këngë janë më të lehta për t'u kënduar. Nëpërmjet përpjekjeve të tij, këto vepra muzikore karakterizohen nga ngjyra të theksuara vendove dhe tërheqin vemendjen e më shumë njerëzve. 

Kënga që po dëgjoni titullohet"Kënga malore na sjell shanse të reja" është kompozuar nga Rao Rongfa, teksti është shkruar nga Zheng Nan dhe është kënduar nga Mou Xiaofu. Kënga me melodi të gëzuar shpreh gëzimin e njerëzve që po kalojnë jetë të lumtur.

Në vitin 2003, konferenca botërore e banorëve Ke Jia u zhvillua në Kinë. Rao Rongfa, i ftuar, kompozoi këngën e konferencës "Ode e Ke Jia-s" Kjo këngë me melodinë e saj të fuqishme dhe karakteristike nacionale tregon historinë e banorëve Ke Jia dhe është pritur ngrohtësisht nga banorët Ke Jia në vende të ndryshme të botës. Le ta dëgjojmë së bashku këtë këngë.

Kënga "Ode e Ke Jia-s" që po dëgjoni është kënduar nga Mou Xuanfu ndërse teksti është shkruar nga Li Wenhao.  (Çang Çuo)