dëgjoni 

Ditët e fundit akademiku kinez Dugje bëri të ditur se sipas hetimeve paraprake, potenciali i burimeve termike nëntokësore të Tibetit për prodhimin e energjisë elektrike i kaloi të një milionë kilovatët. Kjo hap një perspektivë të mirë për shfrytëzimin e këtyre burimeve të vendit tonë në të ardhmen.

Burimet termike nëntokësore të Tibetit shpërndahen kryesisht në rajonet përreth linjës hekurudhore të Çinhai-Tibetit. Krahas këtyre, edhe në rajonet e rrjedhave të lumenjve Jalucanpu, Lhasë dhe Yecu dhe në rajonet pa gjurmë njeriu në veri të Tibetit ka burime të pasura termike nëntokësore.

Akademiku Dugje tha se në të kaluarën njerëzit mendonin se burimet termike nëntokësore gjendeshin vetëm në rajonet e vullkanit në ultësirat e nivelit të detit, por tani është zbuluar se edhe në rafshnaltën e Çinhai-Tibetit, 4 mijë metra mbi nivelin e detit janë gjetur burimet termike nëntokësore. Sipas të dhënave jo të plota, në të gjithë territorin e Tibetit janë zbuluar mbi 700 burime termike nëntokësore, ndër to 342 burime mund të shfrytëzohen dhe temperatura e ujit të këtyre burimeve shkon deri në 80 gradë celcius. Potenciali i këtyre burimeve për prodhimin e energjisë elektrike shkon deri në një milionë kilovatë.

Kina filloi eksperimentimin e prodhimit të energjisë elektrike në burimet termike nëntokësore të Rafshnaltës së Çinhai-Tibetit në vitet 60 të shekullit të kaluar. Tani sasia e energjisë elektrike të prodhuar nëpërmjet shfrytëzimit të burimeve termike nëntokësore në Tibet, përbën 30% të sasisë së përgjithshme të rrjetit elektrik. Kostoja e prodhimit të këtij lloji energjie elektrike është shumë më e ulët se ajo e hidrocentralit.

Specialistët vunë në dukje se shfrytëzimi i plotë i burimeve termike nëntokësore luan një rol të rëndësishëm jo vetëm për përmirësimin e strukturës energjetike të Tibetit, por edhe për prodhimin e energjisë elektrike në dimrin pa reshje. Jo vetëm kaq, por ky shfrytëzim do të ndihmojë edhe në furnizimin me energji elektrike dhe për ngrohje të stacioneve të linjës hekurudhore të Çinhai-Tibetit.

Burimi termik nëntokësor është një burim i ri energjetik i sigurtë që mund të riprodhohet tani në botë. Ai ka epërsi, si në teknologjinë e përsosur dhe në lehtësirat e shfrytëzimit etj. Ai nuk ndikohet nga ndryshimi i kohës dhe i klimës. Burimet termike nëntokësore mund të shfrytëzohen edhe në fusha të tjera, si për ngrohje në dimër, në industrinë kimike, në kultivimin e bimëve bujqësore, në rritjen e shpendëve shtëpiake, në turizëm dhe në mjekësi.

Shfrytëzimi i burimeve termike nëntokësore të Tibetit ka tërhequr edhe vëmendjen e specialistëve përkatës ndërkombëtarë. Shumë vende të tjera të botës kanë shprehur dëshirën për t'i dhënë Tibetit ndihma teknologjike dhe financiare në shfrytëzimin e këtyre burimeve. ( zhang )