Ma Tou Çin ka një histori të gjatë dhe është përhapur gjerësisht qysh nga fillimi i shekullit të 13-të. Në zona të ndryshme ku është përhapur, emri, forma, dhe ngjyrat e tonit dhe mënyra e interpretimit nuk janë të njëjta. Në gjuhën kineze, "Çin"është një lloj vegël muzikore dhe "Ma Tou" do të thotë koka e kalit sepse në të gdhendet figura e kokës së kalit. Telat e këtij instrumenti kanë karakteristika të veçanta sepse përbëhen prej dhjetra qimeve të gjata të bishtit të kalit. Me materiale dhe strukturë të veçantë, Ma Tou Çin prodhon një lloj tingulli shumë të posaçëm të cilin njerëzit e quajnë " karakteristika të stepës"--- të hapur dhe të butë. Tani, ju ftojmë të shijoni melodinë "Kali i Zi", të interpretuar me Ma Tou Çin, që të njiheni më qart me këtë vegël të posaçme muzikore.

Në të kaluarën, Ma Tou Çin prodhoheshin nga vetë interpretuesit. Për shkak të diapazonit të ngushtë, përdorej vetëm në dhomë. Krahas zhvillimit të vazhdueshëm, prodhuesit kinezë të instrumenteve muzikore e kanë modifikuar Ma Tou Çin tradicional. Pas përmirësimit, vëllimi dhe diapazoni i tij janë zgjeruar duke ruajtur butësinë e tingujve dhe duke shtuar qartësinë e tij. Me Ma Tou Çinin e tanishëm, njerëzit mund të interpretojnë në skenë dhe jashtë dhomës. Kështu, ajo është bërë një nga veglat më kryesore të kombësisë mongole.

Vitet e fundit, prodhohen edhe Ma Tou Çin i mesëm dhe i madh. Luajtja e këtyre dy llojve Ma Tou Çin është ngjanshme me atë të violës dhe të violonçelos ndër instrumentet muzikore perëndimore. Në këtë mënyrë, "Familja e Ma Tou Çinit" ka formuar një grup të plotë me tonë të ulët, të mesëm dhe të lartë duke pasuruar instrumentet muzikore kombëtare kineze.

Gjë që vlen të përmendet është pavarësisht modifikimit të madh, Ma Tou Çin i tanishëm ende ruan tipin e kombësisë mongole?piktura të lashta me karakteristika të kësaj kombësie. Si në të kaluarën, në Ma Tou Çin-in e tanishëm, gdhendet figura e kokës së kalit. Pra, ju ftojmë të shijoni një tjetër melodi me plot ndjenja të interpretuar me Ma Tou Çin që titullohet "Darbor".

Në pjesën lindore të Mongolisë së Brendshme, Ma Tou Çin përdoret për interpretimin e melodive që bazohen kryesisht mbi këngë të lashta popullore, ndërsa në pjesën perëndimore, për meloditë që përshkruajnë panoramën natyrore dhe lavdërojnë kuaj të mirë. Në fund të këtij programi, le të shijojmë një melodi të përhapur gjerësisht në pjesën perëndimore të Mongolisë së Brendshme me titull "Të katër Stinat" në të cilën shprehet dashuria e barinjve për panoramën e vendlindjes së tyre.

(Çan Yean)