Të dashur lexues, kohët e fundit një këngëtare e re në skenën muzikore të Kinës, Lan Çin, nxorri albumin e parë që u mirëprit nga adhuruesit. Në programin muzikor të sotëm do t'ju paraqes këngëtaren Lan Çin dhe albumin e saj "Legjenda".

Do të dëgjoni tani këngën "Easy Come Easy Go" që është shkëputur nga albumi "Legjenda". Lan Çini kompozoi melodinë, shkroi tekstet e këtij albumi dhe po vetë këndon atë. Ajo ka futur stilin hip-hop në këtë këngë që paraqet temperamentin e vajzave të reja. Në këtë këngë thuhet "Megjithëse s'mund të parashikoj çfarë do të ndodhë, zhgënjimi është në majë të pemës, shumë lart, mund ta shikojmë, por s'mund ta mbërrijmë. Gjendja shpirtërore është më e rëndësishmja, ajo bën që shpesh herë të keni një pamje të re."

Lan Çini është një këngëtare e talentuar. Ajo ka lindur në Sinkiang, është rritur në Nankin dhe ka ndjekur shkollën në Pekin. Lan Çini ka pamje moderne dhe duket si një vajzë nga një vend i huaj. Në albumin "Legjenda" ka 10 këngë. Ndër to mund të gjejmë këngë me melodi të ndryshme. Lan Çini i ka futur mendimet e njerëzve modernë në të gjitha këngët dhe talentin e saj mund ta ndjejmë në muzikën e kompozuar.

Do të dëgjoni tani këngën "Bota legjendë". "Bota legjendë" është një lojë e internetit kinez mjaft e mirëpritur në vitin 2003. Ajo ishte krijuar nga kompania Shengda. Sivjet kompania Shengda e zgjodhi Lan Çinin të këndojë këngën simbol të kësaj loje. Lan Çini kompozoi melodinë e "Botë legjendë" ndërsa teksti i saj ishte shkruar nga autori i famshëm i teksteve Yi Jia Yang dhe Li Çi. 

Albumi "Legjenda" u prodhua nga muzikanti i famshëm Wang Jue. Ai shpreson se Lan Çini mund të bëhet përfaqësuese e muzikës së "epokës E". Wang Jue ka futur stile muzikore të reja në këtë album, si stilin "URBAN", "R & B", "Hip-Hop", "Rap" dhe "Rock & Roll". Muzikanti i njohur DAVID që ka fituar 6 herë "Çmimin e Gramit" që i ftuar të marrë pjesë në promocimin e këtij albumi. Edhe grupi muzikor i Azisë ishte ftuar të marrë pjesë në të. 

Do të dëgjoni tani këngën e kompozuar nga vetë Lan Çini. "Mësimi i historisë". Kjo këngë është një këngë e stilit "URBAN". Ajo na paraqet jetën e ditshme të qyteteve moderne.

Si një vajzë e thjeshtë, Lan Çinit i pëlqejnë lojërat me video, interneti, vallëzimi etj. Përveç këtyre, ajo pëlqen edhe motoçikletat. Megjithëse Lan Çini është e re dhe moderne, në albumin e saj ajo paraqet si një vajzë e rritur. Ne mund të ndjejmë zhgënjimin e dashurisë nga zëri i Lan Çinit. 

Në këngën "Blu" thuhet "Më kujton tani? E ndjen shpesh zhgënjimin? Jam mësuar t'i konsideroj kujtimet si ngrohtësi. Të kujtoj shumë herë. Dashuria është bërë një monument....". E keni dëgjuar melodinë e zhgënyer të kësaj kënge?

Më në fund, ju ftoj të dëgjoni këngën tjetër "Si?". Lan Çini e kompozoi këtë këngë me stilet "URBAN" dhe "Hip-Hop". Teksti i kësaj kënge na paraqet karakteristikat e vajzave të reja. Ato po kërkojnë pavarësi dhe privaci. Mirudëgjofshim! (U Sen)