Të dashur lexues, në vitet 70 të shekullit të kaluar, në Kinë janë shfaqur disa filma artistikë shqiptarë me temën e luftës antifashiste, si "Mengjese lufte ", "Ngadhnjim mbi vdekjen", "Njesiti guerril", "Oshëtima në bregdet", etj, që ishin pritur shumë mirë nga spekatorët kinezë. Nga këto filma me temën e luftës antifashiste shqiptarë, spektatorët kinezë mësuan një parullë lufte : "Vdekje fashizmit, liri popullit".

Më vonë, në shumë artikuj të tyre, të rinjtë e atëhershëm e përmendnin këtë parullë, duke e konsideruar si parulla që u ka lënë përshtypjen më të thellë.

Në një artikull të botuar në revistën në internet të studentëve kinezë në SHBA me titull : " I teti në bronz ? për njerëzit e një brezi " thuhet : " ? Me të përmendur fëmijërinë tonë, ne na kujtohet Shqipëria. Atëhere nuk njihnim romanet 'E kuqja dhe e zeza ' dhe 'Ana Karenina', për ne vepër klasike ishte ' I teti në bronz '. Atëherë nuk kishte njerëz që të thonin 'Goodmonrning' ose 'adio', midis njeri tjetrit, ne thonim në dialog vetëm 'vdekje fashizmit', 'liri popullit'. Kjo parullë na lidhi ne me një miqësi të shenjtë dhe të ngushtë. Ne u rritën në mes të filmave artistikë shqiptarë".

Në një faqe tjetër të internetit ku përmblidhen fjalët ose shprehjet më të prekshme, më të dobitshme dhe më të paharrueshme, shumë lexues kanë shënuar parullën "Vdekje fashizmit, liri popullit ".

Ndërkohë, një shkrimtar, në artikullin me titull: "Kujtime mes lulelandrave", shkruan: "Mua më pëlqen lulelandra, për arsye se në filmin artistik shqiptar " Ngadhnjim mbi vdekjen " që e kam parë në kohën e fëmijërisë, duke sjellë ndër mend vrasjen e të rejave revolucionare nga oficerët fashistë, të krijohet përshtypje sikur bien lulelandrat e çelur bukur në një gropë. Edhe parrulla 'Vdekje fashizmit, liri popullit' më është rrënjosur thellë në mendje dhe më kupton entusiaymin e njerëyve në kohën e luftës."

Ndërkohë gjatë intervistës me korrepondentin e CCTV-së, ishte regjisori i njohur i kinematografisë shqiptare Piro Milkani që diskutoi për këtë temë me redaktorët e rubrikës"Magjia e filmave artistikë."

Një nga redaktorët e kësaj rubrike tha:"Kinezët parapëlqenin një shprehje: 'Të harrosh të kaluarën do të thotë të tradhëtosh, ne do ta mbajmë mend historinë tone'. Ndër filmat e vjetër shqiptarë, ne kemi parë shumë filma me temë të luftës antifashiste dhe nga këto filma, ne kuptuam luftën e paepur të popullit shqiptar. 'Vdekje fashizmit, liri popullit' ishte një shprehje e goditur që hasej pothuaj në të gjithë filmat shqiptarë me temën e luftës, dhe që u përhap në Kinë si diçka klasikë. Lidhur me këtë, zoti Piro tha :"Vdekje fashizmit, liri Popullit" ishte parrulla e atyre djemve dhe vajzave shqiptare që lanë shtëpitë e tyre dhe shkuan në mal për të luftuar kundër okupatorëve. Ata kishin dalë për të zhdukur një herë e përgjithmonë fashizmin dhe njëkohësisht kishin misionin e madh t'i sjellnin lirinë popullit të robëruar e të pushtuar nga fashistët dhe nga klasat sunduese. Ky qe një revolucion i vërtetë demokratik që u krye gjatë luftës së dytë botërore. Kjo parrullë sigurisht e ruan vlerën e vet deri në ditët e luftës. (zhai)