dëgjoni

Me nxitjen e një sërë politikash makroekonomike, ekonomia kombëtare ka ruajtur një prirje të mirë të zhvillimit. Njëkohësisht, ekonomia shtetërore ka shpejtuar rregullimin e strukturës.

Vitet e fundit, Kina ka marrë një sërë masash të reformës. Numri i ndërmarrjeve të vogla shtetërore u pakësua në përmasa të mëdha. Ndërmarrjet me humbje të mëdha u pakësuan shumë dhe numri i ndërmarrjeve të thjeshta shtetërore, të cilave u mungon aftësia e konkurrencës në treg, gjithashtu u pakësuan në sasi shumë të mëdha.

Krahas zgjerimit të përmasave të kapitaleve të ndërmarrjeve shtetërore, potenciali i kapitaleve të industrisë bazë dhe të industrive kryesore të ekonomisë kombëtare është forcuar.

Efektiviteti ekonomik i ndërmarrjeve shtetërore është shtuar në mënyrë të vazhdueshme dhe në përmasa të mëdha. Deri në vitin 2003, efektiviteti ekonomik i ndërmarrjeve shtetërore ka krijuar për 4 vjet me radhë nivelin më të mirë në histori. Ndër to, vëllimi i përgjithshëm i fitimeve të ndërmarrjeve shtetërore të mbarë vendit për vitin 2003 arriti në 495 miliardë e 120 milionë juanë.

Rritja e vazhdueshme dhe e shpejtë e efektivitetit ekonomik të ndërmarrjeve shtetërore ka garantuar shtimin e qëndrueshëm të sasisë së përgjthshme të kapitaleve të ndërmarrjeve shtetërore. Në vitin 2003, sasia e përgjithshme e kapitaleve shtetërore të ndërmarrjeve shtetërore të mbarë vendit arriti në 7 trilionë e 57 miliardë e 720 milionë juanë.

Megjithëse efektiviteti ekonomik i ndërmarrjeve shtetërore ka krijuar një prirje të vazhdueshme gjatë këtyre vjetëve të fundit, prapë ekzistojnë disa probleme kryesore në rritjen e efektivitetit ekonomik të ndërmarrjeve shtetërore. Së pari, një numër i madh i ndërmarrjeve shtetërore ndodhen akoma në gjendjen e humbjeve të mëdha; së dyti, rritja e efektivitetit ekonomik është jopërpjesëtimore dhe fitimet janë grumbulluar kryesisht në disa ndërmarrje të mëdha, së treti, efektiviteti ekonomik i ndërmarrjeve të mesme dhe të vogla shtetërore është shumë i ulët. (Sihai)