Të dashur lexues, jam Damini, ju përshëndes përsëri nga Pekini në programin tonë muzikor. Sot ju ftoj të shijoni një grup këngësh, të interpretuara nga këngëtarët e pakicave kombëtare kineze.

"Kënga lavdia", e kënduar nga këngëtari kinez i kombësisë mongole Lasurong, është krijuar nga këngëtari i famshëm kinez Hu Song Hua bazuar në këngët popullore mongole. Në këtë këngë me motiv të gjatë dhe lirik i këndohet atdheut të madh.

Banorët e kombësisë mongole banojnë kryesisht në stepën e gjerë të Kinës veriore dhe merren kryesisht me blegtori. Banorëve mongolë u pëlqen shumë kënga dhe janë të aftë të këndojnë. Këngët popullore mongole ndahen në ato me motiv të gjatë e të shkurtër. Ato me motiv të shkurtër me ritëm të shpejtë e të gëzueshëm janë të përhapura kryesisht në zonat bujqësore, kurse ato këngë me motiv të gjatë janë me ritëm të lirshëm e të zvarritur dhe janë mënyra më e mirë e pasqyrimit të ndjenjave të banorëve në zonat blegtorale të kombësisë mongole.

Lasurong është këngëtari i famshëm i kombësisë mongole. Stepa e gjerë i ka dhënë atij zërin kumbues. Si biri i një blegtori, ai është i aftë të këndojë këngë popullore me motiv të gjatë të kombësisë mongole. Interpretimi i tij është me frymë të gjatë dhe të trashë dhe plot forcë tërheqëse. Poshtë ju ftoj të shijoni këngën me titull: "Kënga e kullotjes", e kënduar nga Lasurong në gjuhën mongole. Në vargjet e këngës thuhet: "Në qiellin e kaltër me re të bardha, lëvizin plot kope delesh të bardha dhe të argjendta, të shpërndara në stepa të gjelbëra. Sa e bukur është kjo pamje."

Banorët e kombsisë koreane, që jetojnë kryesisht në zonat e Kinës veri-lindore, kanë prirje dhe janë të aftë të këndojnë e të kërcejnë. Këngët popullore koreane janë të larmishme e të pasura me karakterin e kërcimit. Fan Çu Shan është një këngëtare e preferueshme koreane. Diapazoni i saj është i gjerë dhe zëri i saj është i ëmbël dhe interpretimi i saj i këngëve është me karakteristika të theksuara kombëtare. Më poshtë ju ftoj të shijoni këngën popullore të kombësisë koreane: "Alilang", të intepretuar nga Fan Çu Shan në gjuhët Hane dhe koreane. Në këtë këngë me melodi të bukur e të gëzueshme i këndohet jetës së lumtur të banorëve.

Në vargjet e këngës thuhet: " T'i ngjitem malt Alilang, në qiellin e kaltër plot yje, të thurrim këngë të shumta për jetën e lumtur. Unë e dua jetën tonë të lumtur dhe i thurrim gjithnjë e më shumë këngë për Alilang."

Kombësia ujgure është një kombësi e aftë për këngë e valle. Banorët ujgurasë jetojnë kryesisht në krahinën e Sinkiangut të Kinës eri-perëndimore. Banorët ujgurasë janë entusiastë e të hapur, me humorë dhe të gëzueshëm. Në ditët e festave e pushimeve ata festojnë me këngë e valle.

Këngëtari nga kombësia ujgure Krim, është shumë i preferuar nga spektatorët kinezë. Ai ka lindur në një familje muzikantësh ujgurë rrëzë malit Tianshan. Në praktikën e gjatë artistike ai ka trashëguar dhe zhvilluar traditat e arteve koreografike të kombësisë ujgure dhe ka krijuar e interpretuar shumë këngë me karakteristika nacionale. Interpretimi i tij është i veçuar nga të tjerët, në të ai ka shkrirë artin homoristik të kombësisë ujgure. Ai, duke kënduar dhe duke vallëzuar, ka fituar duartrokitje të nxehta të spektatorëve. Më poshtë ju ftoj të shijoni këngën: " Ku po shkoni, xhaxh Kurban?" Në këngë, nëpërmjet pyetjeve dhe përgjigjeve midis xhaxhit Kurban dhe vajzave, pasqyrohen ndjenjat e thella, si peshk me ujë, midis banorëve ujgurë dhe Ushtrisë Popullore Çlirimtare Kineze.

Të dashur lexues, shijuat një grup këngësh popullore, të interpretuara nga disa këngëtarë të pakicave kombëtare kineze. ( Daming )