dëgjoni 

Të dashur lexues, regjisori i njohur shqiptar Piro Milkani, erdhi pak kohë më parë për vizitë në Kinë dhe për t'u takuar me kolegët kinezë duke marrë pjesë në grupin e biznesmanëve shqiptarë që shoqëroi kryeministrin e Shqipërisë Fatos Nano gjatë vizitës në Kinë. Gjatë qendrimit në Pekin, z. Piro Milkani dha edhe një intervistë për rubrikën "Magjia e filmit artistik" të CCTV-së që kujton aspekte të bukura të filmave të vjetër artistikë, interviston skenaristë, regjizorë dhe aktorë të këtyre filmave, në mënyrë që me anën e këtyre personave t'u tregojnë spektatorëve ngjarje interesante gjatë xhirimit të atyre filmave të vjetër artistikë. Në film, ai foli për rrugën e tij rreth 50 vjeçare të kinematografisë. "Unë do ta quaj veten me fat, që jeten time ia kushtova kinematografisë. Sepse shumë djem dhe vajza që lindin dhe rriten me filmin, endërrojnë të bëhen kineastë, por unë pata fat shumë të madh. Vitin tjetër mbushen 50 vjet nga dita që unë iu futa studimit të kinematografisë, në fakultetin e filmit në Prag të Çekosllavisë, në një nga shkollat me një përvojë shumë të madhe dhe me një emër shumë të madh, nga ku dolën kineastë të shquar që bën vepra të shkëlqyera. Disa shokë të mi që kanë studiuar në atë shkollë kanë bërë filma që janë vlerësuar me çmime Oskar. Mund të them që profesionalisht u përgatita mjaft mirë." "Mbas 5 vjetësh u ktheva në Shqipëri dhe në vitin l961 fillova punë si kameraman, si drejtor fotografie në disa filma dokumentare shqiptare dhe mbas një viti kalova në xhirimin e filmave artistikë deri në vitin l967 jam marrë me fotografinë e filmit. Kinematografia shqiptare është kinematografia më e re në Evropë. Filmat e para dokumentare janë xhiruar në vitin l947, ndërsa në vitin l952 është inauguruar struktura e kinostudios ku filluan të prodhohen më shumë filma dokumentare dhe në vitin l957 është xhiruar filmi i parë artistik shqiptar. Mirëpo pata shumë fat, sepse në filmin e parë artistik "Ngadhnjim mbi vdekjen " punova si bashkëskenarist dhe si regjisor, suksesi i atij filmi në Shqipëri dhe më vonë edhe në Kinë përcaktoi fatin e jetës sime". Ai ka punuar si operator, skenarist, regjisor i 24 filmave artistike shqiptarë si : " Ngadhnjim mbi vdekjen ", "Dasma ", "Kur zbardhi një ditë ", " Festa e madhe ", "Shtigje lufte ", " Cifti i lumtur ", kinokomedi " Zonja nga qyteti " dhe " Shoqja nga fshati ", "Mbesa e kuqe ", " Militanti ", " Në prag të jetës ", " Pranvera s'erdhi vetëm " etj deri në vitin l989, ai e mbylli me filmin " Ngjyrat e moshës " dhe kaloi në funksopne të tjera. Ndër të tjera z. Piro Milkani tha : " Për këtë punë, unë jam nderuar me shumë çmime, deri në titullin artisti i popullit. Çmimin e parë, urdhërin e Naim Fdrashërit, e kam marrë në vitin l967 për filmin "Oshëtimë në bregdet ". Ai ka marrë edhe cmime publike, u nderua si artisti i merituar, artisti i popullit. Edhe filmat e drejtuar prej tij u vlerësuan si filmi më i mirë për dy filma për filmin " Ballë për ballë ". " Pranvera s'erdhi vetëm".Filmt e tij janë shfaqur në shumë festivale kinematografike të botës. Përveç operatorit, skenaristit dhe regjisorit, z. Piro Milkani ka punuar në vitet 87 dhe 88, për l3 javë rrjesht rubrikën " Magjia e artit 7-të ", të cilën publiku e ka ndjekur me shumë interes. Ai ishte një prezantues shumë i njohur në Shqipëri. Përvec këtyre, z. Piro Milkani ka interpretuar edhe si artisti në një film italian në Amerikë që flet për emigrimin e shqiptarëve, ky film u shpall në vitin l995 filmi më i mirë i Evropës. Ai luajti rolin e një fotografi të vjetër shkodran në filmin e produkcionit shqiptaro-gjetman : " Sytë e kaltër ". Duke përfunduar bisedën për rrugën e tij të artit kinematografik, ai tha : " Unë ndjenja veten të nderuar që nga 20 filma shqiptarë që janë dubluar në gjuhën shqipe, tre kam qenë bashkëpunëtorë. Kam dëgjuar se sa interes qe ka publiku kinez për filmat e mi. Gjë që më inkujaroi shumë. E ndej veten të lumtur që miliona kinezë kanë parë filmat e mi. " Sipas mendimit të z. Piro Mikmakani : "nuk ka dhuratë më të bukur pë një kineast që i kushton jetën artit dhe që i jep gëzim spektatorëve. "(zhai)