dëgjoni

Me përpjekjet e vazhdueshme dhe afatgjata, Kina ka gjetur një rrugë të ruajtjes nga erozioni me karakteristika kineze, duke sistemuar një sipërfaqje prej 900 mijë kilometrash katrore me erozion. Mjedisi ekologjik i krahinave të ndryshme është përsosur dukshëm, duke shtuar aftësinë e zhvillimit të vazhdueshëm të shoqërisë dhe të ekonomisë kineze.

Qysh nga shpallja e Kinës së re, Kina ka sistemuar një sipërfaqje erozioni prej 3 milionë e 560 mijë kilometrash katrore. Shtimi i prodhimit të drithërave arriti në 249 miliardë e 200 milionë kg. Si rezultat, mjedisi ekologjik është përsosur në mënyrë të dukshme dhe efektiviteti shoqëror dhe ekonomik është shtuar shumë.

Për shkak të kushteve të vaçanta natyrore dhe gjeografike, gjendja kineze e erozionit është shumë e rëndë dhe mjedisi ekologjik është i dobët.

Erozioni ka shkaktuar keqësimin e tokave, duke ndikuar prodhimin e jetën e njerëzve. Pas shpalljes së Kinës së re, qeveria kineze i ka kushtuar rëndësi shumë të madhe punës së mbrojtjes së ujërave dhe të tokave dhe ka grumbulluar përvoja të pasura.

Qysh nga fillimi i shekullit të 21-të, Kina ka forcuar më tej sistemimin e erozionit dhe e konsideron ruajtjen e ujërave dhe të tokave si një përmbajtje të rëndësishme të zhvillimit të vazhdueshëm ekonomik dhe shoqëror dhe si një politikë themelore shtetërore. Duke u nisur nga largpamësia për sigurimin e përdorimit të ujërave, për sigurimin ekologjik dhe për sigurimin e drithërave, Kina ka parashtruar strategjinë e zhvillimit të mesëm dhe afatgjatë për ruajtjen e ujërave dhe të tokave.

Gjatë disa vjetëve të fundit, në rrjedhën e sipërme të lumit Jance, në rrjedhën e mesme dhe të sipërme të Lumit të Verdhë, në krahinat veri-lindore, në rrjedhën e sipërme të lumit Zhujiang dhe në zona të tjera me erozion të rëndë, Kina ka filluar një sërë veprash të rëndësishme dhe të mëdha të ndërtimit ekologjik, si realizimi i sistemimit kompleks të erozionit, kthimi i tokave të punueshme në pyje, përmirësimi mjedisit ekologjik, parandalimi i stuhive me rërë etj. (Sihai)