Provincat Hei Long Jiang, Ji Lin dhe Liao Ning përbëjnë fushën më të madhe të Kinës, ku ka toka pjellore, burime të pasura ujore dhe pyje të dendura. Falë transportit të volitshëm, zhvillimit të hershëm industrial e tregtar, shkëmbimeve të shpeshta ekonomike kulturore midis këtyre provincave, këngët popullore të këtyre krahinave janë të ngjanshme në strukturën e tyre melodike. Kënga "Vizitë me rastin e Vitit të Ri" është një nga këngët më të përhapura në krahinat verilindore të Kinës. Në këtë këngë, me fjalë të thjeshta dhe melodi të hareshme, tregohet një tabllo e gëzueshme e banorëve gjatë festimit të festës së pranverës. Tani, ju ftojmë ta dëgjoni këtë këngë.

Këngët e krahinave verilindore të Kinës janë energjike, të gjalla dhe plot humor, ato pasqyrojnë karakteristikat entusiaste, të sinqerta, të çiltra dhe optimiste të banorëve të atjeshëm. Tani, ju ftojmë të shijoni këngën popullore të krahinave verilindore me titull "Shitësi i ri" . Në këngë përshkruhet gëzimimi i një shitësi të ri shëtitës për të çuar mallra në fshat.

Këngët e Kinës verilindore, që përshkruajnë jetën argëtuese të banorëve përbëjnë një pjesë të madhe të këngëve të kësaj zone. Kjo lidhet me doket e zakonet e banorëve të atjeshëm. Në këto krahina bën shumë ftohtë në dimër, koha e pushimit pas korrjeve është relativisht më e gjatë se në zonat e tjera. Kështu njerëzit rrinë familjarisht në shtëpi, bisedojnë ose bëjnë ekskursione jashtë. Kënga që do të dëgjoni më poshtë titullohet "Ngremë balonën", ajo përshkruan gëzimin e vajzave kur ngrenë balonën.

Përveç këngëve të sipërpërmendura, në Kinën verilindore ka edhe shumë këngë që u këndojnë tregimeve dhe legjendave historike kineze. Në këngë të tilla shpesh herë përdoret vetëm një melodi bashkë me disa paragrafë të teksteve. Ndër to, kënga "Në të gdhirë " është shembulli më tipik. Nëpërmjet melodisë së lehtë ndjenjëshprehëse, në këngë përshkruhen fatet e ndryshme të 4 bukuroshave në Kinën e lashtë.(Çan Yean)