Më 4 nëntor u organizua ceremonia e hapjes së kësaj ekspozite. Në ceremoninë e hapjes morën pjesë drejtori i Zyrës Informative të Këshillit të Shtetit të Kinës z.Zhao Qizheng, zv-drejtori Cai Mingzhao, kryetarja e Lidhjes Ndërkombëtare të Përkthyesve zj. Betty Cohen si dhe liderë e përfaqësues të Drejtorisë së Gjuhëve të huaja të Kinës, të Shoqatës së përkthyesve kinezë, përfaqësues të përkthyesve me përvojë, këshilltarë ekzekutivë të Lidhjes Ndërkombëtare të Përkthyesve etj, gjithësej më se 150 veta.

Ceremoninë e hapjes së "Ekspozitës së sukseseve të përkthyesve kinezë" e drejtoi kryetari i Shoqatës së Përkthyesve Kinezë Song Shusheng, kurse z.Zhao Qizheng mbajti fjalën e rastit.

Kjo ekspozitë që u organizua bashkarisht nga Drejtoria e Gjuhëve të Huaja të Kinës dhe Shoqata e Përkthyesve Kinezë, ishte ekspozita e parë madhështore që pasqyroi, në mënyrë të gjithanshme sukseset e Kinës në fushën e përkthimeve. Në këtë ekspozitë morën pjesë Ministria e Punëve të Jashtme të Kinës, Radio e Jashtme e Kinës, Drejtoria Qendrore e përkthimeve të Kinës, institucione të botimeve të gjuhëve të huaja të Kinës, universitete, institute dhe shkolla të larta të gjuhëve të huaja, ndërmarrje të softeve të përkthimeve, shoqëri dhe firma të përkthimeve, institutione propagandistike kineze për botën e jashtme etj. Për këtë arsye, kjo ishte një ekspozitë me karakter të theksuar profesionist e përfaqësues në fushën e përkthimeve.

Objektivi i organizimit të kësaj ekspozite ishte pasqyrimi në mënyrë të përqendruar i sukseseve të përkthyesve kinezë, demonstrimi i potencialit të qarqeve të përkthyesve si dhe zhvillimi i biznesit të përkthimeve të Kinës. Ekspozita ndahet në 9 pjesë kryesore si përkthime dhe transmetime të mediave, përkthime dhe transmetime në internet, vlerësime të përkthyesve dhe përgatitje të përkthyesve, shërbime të përkthyesve si dhe rregulloret e tyre, botimet e librave të përkthyera dhe tregtia e të drejtës së aututorit, përkthime të gjuhëve të pakicave kombëtare, përkthime në fushën ushtarake si dhe përkthime në fushën diplomatike etj. Në këtë ekspozitë me sende e fotografi të shumta pasqyrohen sukseset e punës së përkthyesve në transmetimet e mediave për botën e jashtme, në fushat diplomatike, ushtarake, në informacione dhe botime, në përgatitje dhe mësimdhënie dhe në shkencë e teknikë etj. Ekspozita pasqyroi në mënyrë të dukshme zhvillimin e vrullshëm dhe kontributin e madh të punës së përkthyesve gjatë reformës e hapjes, disa eksponantë u ekspozuan për herë të parë dhe janë me vlerë të madhe historike. (zhai)