dëgjoni

Agjencia kineze e lajmeve Hsinhua njoftoi se në të kaluarën, për arsye të problemit të kthimit të sigurtë të librave të marra nga biblioteka, Biblioteka Shtetërore e Kinës u huazonte libra në lexim vetëm lexuesve të Pekinit. Tani për të plotësuar kërkesat e shoqërisë për leximin e librave, Biblioteka Shtetërore e Kinës vendosi të hapet më tej. Në të ardhmen , librat në gjuhën kineze dhe angleze mund të merren për lexim nga lexues të mbarë vendit, pavarësisht në se lexuesit janë pekinas apo nga krahinat të tjera të vendit. Sa kohë të jenë në përputhje me kushtet që kërkohen, mund të regjistrohen për të marrë libra për lexim nga Biblioteka Shtetërore të gjitha kategoritë e lexuesve. Korrespondenti i Agjencisë Hsinhua mësoi nga Biblioteka Shtetërore e Kinës se si njësi kulturore në interes të publikut, në bazë të kërkesave të përgjithshme të reformës së sistemit kulturor, për përmirësimin e shërbimeve, kohët e fundit kjo bibliotekë ka marrë një sërë masash të reja, si pakësimi i kufizimeve për marrjen e librave për lexim nga biblioteka, anulimi ose ulja e disa taksave për shërbimet bibliotekare, në mënyrë që të plotësohen nga të gjitha anët kërkesat e lexuesve. Tani Biblioteka Shtetërore e Kinës ka lëshuar gjithësej 360 mijë leje-leximi, m anë të të cilave, rreth l80 mijë lexues kanë të drejtë të marrin libra për lexim jashë bibliotekës. Biblioteka u jep libra për lexim msatarisht 4000 lexuesve në ditë. Edhe lexuesit e krahinave të tjera kanë të drejtë të marrin libra për lexim në gjuhën kineze, ashtu si edhe lexuesit pekinas. Studentët pasuniversitarë dhe aspirantët lejohen të marrin edhe libra të gjuhëve të huaja për lexim jashë bibliotekës. Krahas këtyre, Biblioteka Shtetërore ka rregulluar edhe taksat e shërbimeve, p.sh është bërë anulimi i pagesave për lexim në salla të posaçme, për shërbimet bibliotekare dhe leximin e dokumenteve të çmueshme me shkrime të zvogluara etj, janë ulut edhe pagesat për printime, për fotokopime, për regjistrime në disqe, si dhe për lexim në internet etj. Shkalla më e madhe e uljes së këtzre pagesave ka arritur në 80%. Zv-drejtori i Bibliotekës Shtetërore të Kinës Chen Li tha se si një njësi të kulturës publike, shërbimet në bibliotekë janë pikënisja e të gjitha punëve. Në të ardhmen, kjo bibliotekë do të rinovojë edhe disa koncepte tjera shërbimore dhe do të përmirësojë cilësinë e tyre, në mënyrë që të ngrihet më tej prestigji i Bibliotekës Shtetërore në shoqëri. (zhai)