Me zbatimin e reformës e hapjes së Kinës, edhe në Janshuo vijnë gjithenjë e më shumë vizitorë të huaj. Kur ishte në moshën 51-vjeçe, ajo u takua me dy djaloshë kanadezë, që erdhën për vizitë në parkun e malit "Hënë". Atëhere ajo ishte duke shitur pije freskuese për vizitorë, që të fitonte pak para për familje. Njeri djalosh ishte sikur u sëmur, i dhimbte shumë barku dhe i rrjedhte pa pushim djersa e ftohtë. Ajo s'dinte të fliste anglisht dhe i pyeste me gjeste, duke u këshilluar të qëndronin në vend. Ajo zbriti nga mali dhe u kthye fluturimthi në shtëpi, ku ndezi sobën për të zjerë ilaçin popullor dhe mori disa lengje ilaçi, pastaj shkoi në ambulancë për të marrë ca ilaçe të tjera. Kur u kthye në park, dy djaloshë kanadezë u gëzuan shumë. Ai djalosh i sëmurë pasi piu ilaçin e Shy Siu Zhënit, filloi të qetësohej. Ai i tha asaj se i merrte uria. Pasi kuptoi çfarë kishte thënë, ajo i ftoi të dy në shtëpinë e saj, ku gatoi një drekë të pasur për ta. Dy djaloshë i dhanë para, kurse Shy Siu Zhëni e refuzoi, duke u thënë kështu: "Ju jeni mysafirët nga vendi tjeter, erdhët në shtëpinë time, unë duhet t'ju gostis." Djaloshët u emocionuan shumë duke e falënderuar: "Ju jeni si mamaja jonë, jeni nga mali 'Hëna', pra më mirë ju quajmë 'Nënë të hënës'!" Qysh nga ajo kohë, emri "Nënë e hënës" është përhapur gradualisht si brenda edhe jashtë vendit nëpërmjet internetit.

Që nga ajo kohë ajo kishte dëshirë të mësonte gjuhë të huaja, që të fliste lirisht me të huaj gjatë shitjes së pijeve freskuese. Me moshë kaq të madhe ajo kishte vështirësi të përvetesonte gjuhë te huaja, por megjithatë, ajo kishte vullnet të mësonte nga nusja e saj, që di shumë mirë anglisht.

Pas darkës, nusja i jipte mësime për fjalë të thjeshta angleze që ajo të përvehtësonte më lehtë. "Nëna e hënës" mësonte me zell. Në natën e parë në krevat ajo i përsëriste ato fjalë që kishte mësuar. Por të nesërmen, kur takohej me të huaj, asaj nuk kujtohej asnjë fjalë. Pasi u kthye në shtëpi ajo u mërzit aq shumë sa që qau dhe për tri ditë me radhë nuk shiti asnjë shishe pije. Anëtarët e tjerë të familjes e ngushëlluan atë dhe ajo filloi përsëri besimin tek vetja. Qysh nga ajo kohë ai ka hyrë në rrugën e gjatë të studimit të gjuhëve të huaja. Në fillim mësonte vetëm anglishten dhe më vonë edhe frengjisht e gjuhë të tjera. Për herë të parë ajo kuptoi fjalët e një blerësi të huaj, ajo u gëzua shumë dhe iu forcua më shumë besimi. Kështu ajo mësonte ditë me radhë dhe filloi të flasë lirisht me vizitorë të huaj.

"Nëna e hënës" mësonte gjithnjë e më mirë anglishten dhe jo vetem kaq, ajo filloi të mësonte edhe gjuhë të tjera të huaja. Ajo u shet vizitorëve pije freskuese në gjuhë të huaja, bile u tregon atyre edhe me doket e zakonet e banorëve vendas.

Në vitin 1997 nga një rast i rrallë asaj i lindi mendimi për t'u bërë udhërrëfyese. Atë ditë një çift italian bisedonte me "nënën e hënës" dhe kishte dëshirë të vizitonte një guvë Gjylongtang. Kështu të nesërmen "nëna e hënës" i shoqeroi ata deri në atë guvë, duke u shpjeguar atyre pamje që kishin parë gjatë rrugës. Më në fund çifti italian u kënaq shumë dhe i dha 40 juanë për shpërblim. Ne fillim ajo nuk kërkoi shpërblime për udhërrëfim. Atë kohë udhërrëfyesit profesionistë kërkonin 60 juanë nga një vizitor, kurse "nëna e hënës" merrte vetëm 20 juanë nga sejcili. Kështu ajo kishte shumë raste për udhërrëfimin. Ajo i shoqëronte vizitorët jo vetem për soditjen e panoramave të bukura, por i çonte edhe ata në fshat për të shijuar bukën e shijeshme të familjeve fshatare. Duke qëndruar së bashku me ta, ajo mësonte edhe gjuhë të huaja prej tyre dhe i mësonte edhe ata me gjuhën kineze, kështu pa dashje ajo është bërë "misionere" e shkëmbimeve të kulturës kineze dhe perendimore. Në vitin 1998 "nëna e hënës" mori çertifikatën e udhërrëfyeses nga sektorët e turizmit dhe u bë udhërrëfyesja zyrtare me moshën me të madhe në distriktin Janshuo.

"Nëna e hënës" ka një çantë me vete, ku ruan fotografitë, kartolina dhe sende të tjera që vizitorë të huaj i dhuruan. Nga çdo fotografi ajo ka një tregim. Tani ajo ka shumë miq, që kanë ruajtur marrëdhënie të shpeshta me të.

"Nëna e hënës" i trajton vizitorët si të afërmit e saj, kujdeset për ta, u fërkojnë atyre në lëkurë me ilaçe, kur picëkohen nga mushkonja etj., bile ajo këndon këngë malore ose kërcen valle popullore për ta?

Thjeshtësia, bujaria dhe entusiazmi i "nënës së hënës" i kanë influencuar shumë vizitorët e vendeve të ndryshme. Në sajë të shoqërimit të saj ata i kanë njohur fshatrat dhe gratë fshatare kineze. Një vizitor e ka krijuar një faqe interneti posaçërisht për të dhe kështu emri i saj është përhapur nëpërmjet internetit nëpër botë. Pasi u ftua si mysafire në emisionin e televizionit qëndror të Kinës në Pekin, ajo është bërë më e famshme.

Të dashur lexues, ju njohëm me gruan fshatare ? "nënë të hënës" gjatë viteve të reformës në Kinë. (Daming )