Festivali Artistik i Kinës është festivali artistik shtetëror, me përpjesëtimet më të mëdha, që përfaqëson nivelin më të lartë të arteve të Kinës. Qysh nga krijimi i tij në vitin 1987, Kina ka organizuar 7 festivalet artistike të Kinës. Festivali i 7-të Artsitik i Kinës u organizua në provincën Xhekiang të Kinës jugore dhe ishte një festival me përpjesëtimet më të mëdha, me pjesëmarrësit dhe programet më të shumta ndër festivalet e kaluara artistike të Kinës.

Mbrëmja artistike e ceremonisë së hapjes e Festivalit të 7-të Artistik të Kinës titullohej: "Parajsa tokësore plot rreze dielli". Tema kryesore e këtij festivali: " Frymë kineze, veçori epokale, shije artistike dhe karakteristika të Xhekiangut" i ka bërë njerëzit të kuptojnë më shumë thelbin e arteve të Kinës.

E gjithë mbrëmja përbëhet nga prologu dhe epilogu, si dhe 4 pjesë të mëdha koreografike.

Shfaqjet artistike të ceremonisë së hapjes ishin të bukura dhe kishte atje mjaft krijime të reja. Në këtë mbrëmje interpretuan afro një mijë artistë, të ardhur nga qytetet e Pekinit, Shangait, nga provincat Liaonin, Xhekiang, nga Rajoni Autonom Guansi ?Xhan etj. Skenografia e mbrëmjes ishte madhështore dhe e paparë. Për pasurimin e formave të demonstrimit dhe për krijimin e një atmosfere artistike, ishin vendosur 24 platforma të lëvizshme dhe dy mijë shatërvane me ujë dhe, njëkoëhësisht, u ngjit në skenë edhe 350 tonë ujë. U Tian Sin tha:

" Ne kemi krijuar një skenë me ujë, më të madhen në Kinë. Në pallatin sportiv ne krijuam një lumë artificial 60 metra të gjatë dhe 11 metra të gjerë, mbi lumë lundronin edhe varka me vela, në breg shfaqeshin programe, kurse në varka fshatarët, me kësula në kokë, pinin duhan duke ndjekur programet. Në këtë pamje është shkrirë stili i jetës së fshatarëve në zonat jugore të lumit Jance."

Në pjesën e tretë të mbrëmjes kjo pamje dukej më qartë, varka lundronte ngadalë në lumin artificial dhe në qendër të skenës pasqyrohej pamja e admirimit të operave nga banorët e jugut.

Opera Ye: " Liang Shan Bo dhe Xhu Jin Tai", e interpretuar nga artistja e famshme e operës Ye, Mao Vei Tao dhe aktorja e famshme e filmave televizivë Hë Sai Fei, opera e Pekinit: " Konkubina e dinastisë së madhe Tang", e interpretuar nga mjeshtrat e njohur kinezë Yu Kui Xhi dhe Li Sheng Su dhe opera Huangmai: "Bashkimi i shënjtorëve të qiellit", e interpretuar nga artsitët e famshëm të kësaj opere Han Zaj Feng dhe Huan Sin De, të gjitha këto me stilin e tyre elegant e të bukur u demonstruan para shikuesve të kësaj mbremjeje.

Poshtë ju ftojmë të shijoni një fragment nga opera Ye: "Liang Shan Bo dhe Xhu Jin Tai", të interpretuar nga Mao Vei Tao dhe He Sai Fej.

Mbrëmja përfundoi në mes të pjesës madhështore koreografike: "Shëtitje shënjtore", ku kryesonte këngëtarja e re kineze Lei Gjia.

Në vargjet e këngës thuhet: " Në Lindjen me histori antike, poemat dhe këngët janë si dete, historia e lashtë, bukuria e mrekullueshme natyrore, malet e gjelbruara dhe lumenjtë me ujë të kulluar, vajzat e bukura dhe djemtë trima bashkohen në kohën e bukur me këngë e valle."

Të dashur lexues, shijuat programin me muzikë kineze: " Parajsë tokësore plot rreze dielli".( Daming )