Në konferencën e shtypit të organizuar nga të dyja palët pas mbledhjes, kryetari i komitetit për koordinimin zoti Verbrugen dhe z/kryetari tjetër i komitetit organizativ olimpik të Pekinit Jiang Xiaoyu janë të mendimit se në këtë mbledhje u diskutuan në mënyrë përfundimtare dhe normalisht të gjitha programet e planifikuara dhe u arritën suksese të plota.

Zoti Verbruggen i vlerëson lart punët përgatitore të Komitetit Organizativ Olimpik të Pekinit. Ai tha se pas mbylljes së suksesshme të Lojrave Olimpike të Athinës, tërë bota dhe Komiteti Olimpik Ndërkombëtar i kushton vëmendje të plotë Pekinit. Ne kemi parë nga afër përpjekjet e Komitetit Organizativ Olimpik të Pekinit, të Bashkisë së Pekinit dhe të qeverisë kineze për përgatitjen e Lojërave Olimpike të Pekinit dhe kemi konstatuar punët përgatitore po zhvillohen në mënyrë normale. Krahas këtyre, ne kemi parë që palët përkatëse po bashkëpunojnë në mënyrë të gjithanëshme dhe aktive. Komiteti Olimpik Ndërkombëtar shpreson që në ditët e ardhshme Pekini të realizojë pareshtur planin e tij për një Olimpiadë dhe një Paralimpiadë me nivel të lartë.

Në konferencën e shtypit, Jiang Xiaoyu i falënderoi të gjithë anëtarët dhe specialistët e Komitetit për Koordinimi të Komitetit Olimpik Ndërkombëtar për ndihmën e tyre mbi punët përgatitore të Komitetit Organizativ Olimpik. Ai është i mendimit se kjo mbledhje është zhvilluar në një mjedis praktik, miqësor dhe të vlefshëm duke njohur shumë arritje. Të dyja palët, gjithashtu, shkëmbyen mendimet e veta mbi planin e punës dhe synimet në fazën e ardhshme, duke arritur mendime unanime. Për punët tona përgatitore në të ardhmen, kjo është shumë mirë dhe shumë e nevojshme. Tani, punët përgatitore për Lojrat Olimpike të Pekinit kanë hyrë në një faze të re ku do të përballemi me sfida më të mëdha dhe me punë më të shumta, por me përkrahjen e qeverisë kineze, me pjesëmarrjen e të gjithë popullit kinez, me ndihmën e Komitetit Olimpik Ndërkombëtar dhe me punët e zellshme praktike dhe të vlefshme të punonjësve të Komitetit Organizativ Olimpik të Pekinit, ne jemi optimistë për të organizuar një olimpiadë të nivelit të lartë.(Jiang Lei)