Gjatë gjashtëmujorit të dytë të këtij viti, njerëzit kanë diskutuar vazhdimisht problemin e shtimit të përqindjes së interesit bankar. Banka e popullit kinez vendosi, nga 29 tetori i këtij viti, ngritjen e përqindjes së interesit të monedhës kineze. Kjo ishte hera e parë që në vendin tonë, gjatë 10 vjetëve të fundit, ngrihet përqindja e interesit të depozitimeve bankare.

Shtimi i interesit bankar ka lidhur ngushtë jetën e prëditshme të banorëve të thjeshtë me bankat.

Shtimi i përqindjes së interesit të depozitimeve bankare është në favor të ngritjes së të ardhurave në depozitimet bankare të banorëve. Ekonomisti Xiao Zhuo Ji tha se përqindja e interesit vjetor të depozimeve u shtua 0,27%, domethënë nga 1,98% që ishte, kaloi në 2,25%. Një bashkëpunëtor i makroekonomisë, Guan Tong Vei tha se rregullimi i përqindjes së interesit bankar përputhet me gjendjen aktuale të qarkullimit të ekonomisë dhe është në favor të stabilitetit të depozitimeve të banorëve. Nga pikëpamja ekonomike del se ngritja e çmimeve të mallrave ka lidhje me ekonominë e tepërt. Kërcënimi i inflacionit ekziston në mënyrë të dukshme. Përqindja e interesit aktual është bërë "Përqindje e interesit negativ". Kjo ka ushtruar ndikim shumë të madh mbi jetën ekonomike, duke shkaktuar drejtpërdrejt investime të tepërta në industrinë e ndërtimit dhe të trojeve dhe në uljen e depozitimeve të banorëve.

Ky bashkëpunëtor tha, gjithashtu, se qëllimi kryesor i koordinimit të përqindjes së interesit është rregullimi i rezultateve aktuale të makrokontrollit, për të frenuar inflacionin.

Sipas të dhënave statistikore të Drejtorisë Shtetërore të Statistikave, çmimet e konsumit të banorëve të shtatorit të këtij viti u ngritën në 5,2%. Duke filluar nga ky vit, u ngritën përkatësisht edhe çmimet e lëndëve të para, të drithërave dhe të naftës bruto. Ngritja e përqindjes së interesit bankar tregon në mënyrë të drejtëpërdrejtë nivelin e çmimeve aktuale. Kjo është në favor të jetës së popullit. (Sihai)