Ju flet Radio e Jashtme e Kinës, të dashur dëgjues, mirëdita, ju përshëndes përsëri në programin e sotëm muzikor, jam Xuguang. Sot do t'ju njoh me violinistin e njohur kinez Ly Siqing dhe melodi të huaja të interpretuara nga ai.

Të dashur dëgjues, melodia që po dëgjoni titullohet "Trishtimi i dashurisë". Kjo melodi është kompozuar nga violinisti dhe kompozitori austriak Kreisler. Kjo melodi është e bukur, por pak sentimentale. Duke dëgjuar interpretimin e Ly Siqingut, do të jeni në kujtimin e kohëve të kaluara.

Ly Siqing lindi në Qingdao të Kinës. Qysh në moshën 4 vjeçare ai filloi të mësonte violinën nga babai i tij. Në moshën 8 vjeçare ai u pranua në shkollën fillore pranë Konservatorit Qendror të Kinës dhe u quajt "djali i talentuar i skenës muzikore". Në vitin 1981, ai u zgjodh nga violinisti i njohur botëror Menuhin në shkollën e tij muzikore në Angli, që është një shkollë vetëm për fëmijë të talentuar. Në 1987, Ly Siqing mori pjesë në Konkursin e 34-t Ndërkombëtar të violinistëve në Paganini. Pas konkurrimit intensive me 3 runde ai u rendit i pari, duke u bërë numri një nga Lindja i konkursve të këtij lloji. Pas 3 vjetëve, ai u pranua në Konservatorin Manhatan të SHBA-së, ku mori pjesë në festivalin muzikor të 1992-të në Asben, si anëtar i përkohshëm i "Orkestsrës simfonike të festave". Gjatë 4 shfaqjeve me radhë, Ly Siqing tregoi forcën e tij tërheqëse. Me teknikë e lartë muzikore, Ly Siqing u pozicionua mirë në botën muzikore perëndimore.

Të dashur dëgjues, melodia që po dëgjoni titullohet "Ave Maria" dhe është interpretuar nga Ly Siqing me violinë, Ajo është kompozuar nga kompozitori Austriak Shubert.

Tani, Lv Siqing ka nënshkruar kontratë me kompaninë ndërkombëtare të regjistrimeve HNH. Melodia e interpretuar nga ai me violinë mund të dëgjohet kudo në botë. Ai ka bashkëpunuar me "Royal Philharmonic Orchestra", "Cinvinnati Symphony Orchestra" dhe me Orkeststra të tjera të njohura botërore.

Ai dikur u kthye në Kinë duke marrë me vete edhe 5 violina të lashta të shtrenjta italiane për të interpretuar në Kinë. Kjo u bë një ngjarje e madhe muzikore. Në fund të programit, ju ftojmë të dëgjoni melodinë e kompozitorit Dvorak "Humoreske", të interpretuar nga Ly Siqing.

Të dashur dëgjues, ju njohëm me violinistin e njohur kinez Ly Siqing dhe me melodi të interpretuara nga ai. Mirudëgjofshim herën tjetër!(Shyguan)