Akademia Mapu e Gjermanisë, Qendra Shtetërore e Studimeve Shkencore e Francës, Akademia e Shkencave e Rusisë, Akademia e Shkencave e SHBA-së, etj, si institucione të studimeve shkencore, të njohura në botë, janë bërë sot " partnerë strategjikë" të Akademisë së Shkencave të Kinës. Akademia e Shkencave e Kinës ka nënshkruar mbi 80 marrëveshje afatgjatë të bashkëpunimit me 70 institucione të studimeve shkencore, ose universitete dhe ndërmarrje të 40 vendeve të botës dhe numri i objekteve të bashkëpunimit ndërkombëtar ka arritur në 600.

Nëpërmjet bashkëpunimit ndërkombëtar, Akademia e Shkencave e Kinës ka importuar idetë e reja të zhvillimit shkencor dhe koncepte të reja të administrimit dhe ka përgatitur shumë kuadro të reja dhe të afta për krijimtarinë shkencore. Akademia e Shkencave e Kinës ka nënshkruar edhe marrëveshje me institucione të vendeve të tjera për ndërtimin e laboratorëve të përbashkët, tri qendrave të përbashkëta të studimeve shkencore dhe për krijimin e grupeve të studimeve shkencore, të përbërë nga shkencetarë të rinj. Nëpërmjet këtyre objekteve të bashkëpunimit shumë shkencëtarë të rinj janë bërë drejtues të objekteve të studimeve shkencore.

Nëpërmjet bashkëpunimit ndërkombëtar është ngritur edhe pozita e Akademisë së Shkencave të Kinës në arenën ndërkombëtare. Deri në vitin 2003, Akademia e Shkencave e Kinës ka fituar mbi 100 çmime tekniko-shkencore jashtë vendit dhe mbi 600 shkencëtarë kinezë janë ngarkuar me funksione në organizatat shkencore ndërkombëtare. Numri i dizertacioneve shkencore të botuara nga shkencëtarët kinezë në bashkëpunim me kolegët e vendeve të tjera të botës, ka arritur në 2 mijë. Akademia e Shkencave e Kinës ka ftuar 320 shkencëtarë të njohur të vendeve të tjera të botës, si profesorë të nderit.

Krahas këtyre, gjatë 6 vjetëve të fundit ka marrë një zhvillim të madh edhe bashkëpunimi i Akademisë së Shkencave të Kinës me kompani të njohura ndërshtetërore dhe me universitete të njohura të botës. Janë forcuar më tej edhe marrëdhëniet e Akademisë së Shkencave të Kinës me Akademinë e Shkencave të Botës së Tretë dhe me organizata të tjera akademike ndërkombëtare. ( zhang )