Zhang Jian Yi është një nga tenorët kinezë më aktivë në skenën ndërkombëtare. Ai është ekspert në fushën e dramës së Francës dhe të Italisë në periudhën e romantizmit Evropian. Do të dëgjoni tani këngën "Kënga e luleve", e cila është shkëputur nga drama "Karmen". Drama "Karmen" është një nga veprat simbolike të kompozitorit francez, Bizet. 

Zhang Jian Yi ka lindur në Huxhou të provincës Zhejiang. Ai ishte punëtor i një fabrike xhami. Për shkak se ai të zërit të mirë dhe për shkak se i pëlqen muzika, në vitin 1978 ai u pranua nga grupi i Juria e provincës Zhejiang. Pas disa vjetësh ai filloi të studiojë në institutin e muzikës të Shangait, në drejtimin e sopranos së famshme, profesoreshë Zhou Xiao Yanit. Në vitin 1986, Zhang Jian Yi u pranua nga qendra e dramës e institutit të muzikës Juliët në SHBA. Pas diplomimit, ai filloi karrierën e të kënduarit.

Zhang Jian Yi ka fituar shumë herë çmime të para në konkurset e këngës ndërkombëtare, duke përfshirë çmimin e parë të konkursit të tretë të këngëtarëve të operës ndërkombëtare të Vienës; çmimin e parë të konkursit ndërkombëtar të këngës Pavarotti, në vitin 1988; çmimin e parë të konkursit të këngës të shoqatës së fondit të këngëtarëve amerikanë, në vitin 1989. Do të dëgjoni tani këngën "Dora e vogël dhe e ftohtë", shkëputur nga opera e Pucinit, "Jeta e artistit" 

Zhang Jian Yi ka teknikë të mirë të zërit, ai mund të paraqesë veprat muzikore në mënyrë të gjithanshme e të tërësishme si dhe ka kuptim të mirë për stilin tradicional të operës perëndimore, prandaj ai është mirëpritur në teatrin e operës në SHBA. Ai ka bashkëpunuar me "Operën Shtetërore të Vienës", "Operën Metropolitane të New Jorkut" dhe "Operën Shtetërore të Berlinit". Ai ka bashkëpunuar edhe me grupe të larmishme simfonike ndërkombëtare.

Kohët e fundit, Zhang Jian Yi u ftua të marrë pjesë në festën e muzikës ndërkombëtare të Pekinit të vitit 2004. Ai luajti rolin e Romeos në operën franceze "Romeo dhe Zhuljeta". Për shkak të zërit të tij fantastik, teknikës së vrullshme të këndimit, ekzekutimit të tij sinqertë, Zhang Jian Yi fitoi përsiëri duartrokitjet e adhuruesve kinezë. Në fund të programit të sotëm, do të dëgjoni këngën "Drita e yjeve të ndritshme", nga drama e Pucinit "Toska".  (U Sen)