china radio international

v Protokolli mbi bashkëpunimin e uebsajtit në gjuhën shqipe të CRI Oline me botën e jashtme	v Tërmeti në Wenchuan

SONDAZH OLIMPIK

ZONA E ANKETAVE

ENCIKLOPEDIA


China Radio International


	Rreth Kinës

	Nga Bota

	Politikë

	Ekonomi

	Kulturë

	Shkencë e Teknikë

	Sport

Tregime dhe Legjenda Kineze

(GMT+08:00) 2004-11-01 09:56:36

Comment

Ministria e Arsimit krijoi një qëndër vlerësuese për të kontrolluar cilësinë e mësimdhënies së shkollave të larta

cri

Agjencia kineze e lajmeve Hsinhua njoftoi se kohët e fundit u krijua " Qendra vlerësuese e mësimdhënies në shkollat e larta pranë Ministrisë së Arsimit të Kinës " që është një organizatë e posacme për vlerësimin e mësimdhënies dhe për punët e degëve të ndryshme profesioniste të shkollave të larta, si dhe për kontrollin e cilësisë së mësimdhënies. Që nga krijimi i saj, kjo qendër do të bëjë në cdo 5 vjet vlerësimin e mësimdhënies të të gjitha shkollave të larta të mbarë vendit, duke publikuar një herë në vit shifrat mbi gjendjen e mësimdhënies së shkollave të larta. Arsimi i lartë i Kinës ka hyrë në fazën e zhvillimit masiv. Në vitin 2004, numri i studentëve që studiojnë në shkolla të ndryshme të larta të mbarë Kinës ka kaluar 20 milionë duke zënë vendin e parë në botë. Tani në Kinë ka gjithësej 644 shkolla të larta, më se 300 institute dhe më se 900 institute profesionale. Siç tregoi ministri i arsimit i Kinës Zhou Ji, krahas zhvillimit të përpjesëtimeve të shkollave të larta, duhet të vëmë në plan të parë edhe ngritjen e cilësisë. Qysh nga vitet 90-të të shekullit të kaluar, Kina ka nisur punën vlerësuese për cilësinë e mësimdhënies së shkollave të larta. Krijimi i qendrës vlerësuese të mësimdhënies në arsimin e lartë shënoi nisjen e gjithanshme të punës vlerësuese mbi mësimdhënien e shkollave të larta. Ky është një hap i rëndësishëm për formimin e sistemit kontrollues dhe garantues të cilësisë së mësimdhënies së arsimit të lartë të Kinës. Siç mësohet, Ministria e Arsimit e Kinës do të vlerësoj rreth 250 shkolla të larta në vit. Krahas kësaj, Ministria e Arsimit të Kinës do të nxitë fuqimisht punën e vlerësimit të mësimdhënies profesionale për të krijuar një sistem për garantimin e cilësisë. Në vlerësimin e mësimdhënies profesionale do të marrin pjesë shoqata të industrive të ndryshme profesionale dhe shoqata të profesioneve të ndryshme . Zhou Ji tha se krijimi i qendrës vlerësuese të mësimdhënies së arsimit të lartë pranë Ministrisë së Arsimit do të nxitë shkollat e larta të vendosin një strukturë të garatimit të cilësisë, si dhe krijimin e një sistemi kontrollues të cilësisë së arsimit të lartë me pjesëmarrjen e sektorëve shtetërore, lokale, të shkollave të larta dhe të shoqërisë. (zhai)