Tani ju ftoj të shijoni pjesë të incizuara nga mbrëmja artistike e ceremonisë së hapjes së Festivalit të 7-të Artistik të Kinës.

Në fillim do të shijoni melodinë orkestrale me vegla popullore kineze: "Muzikë Sëzhu, shiu i imtë dhe piklat e ujit të lumit".

Festivali Artistik i Kinës është festivali artistik shtetëror, me përpjesëtimet më të mëdha, që përfaqëson nivelin më të lartë të arteve të Kinës. Qysh nga krijimi i tij në vitin 1987, Kina ka organizuar 7 festivalet artistike të Kinës. Festivali i 7-të Artsitik i Kinës u organizua në provincën Xhekiang të Kinës jugore edhe ishte një festival me përpjesëtimet më të mëdha, me pjesëmarrësit dhe programet më të shumta ndër festivalet e kaluara artistike të Kinës.

Mbrëmja artistike e ceremonisë së hapjes e Festivalit të 7-të Artistik të Kinës titullohej: "Parajsa tokësore plot rreze dielli". Tema kryesore e këtij festivali: " Frymë kineze, veçori epokale, shije artistike dhe karakteristika të Xhekiangut" i ka bërë njerëzit të kuptojnë më shumë thelbin e arteve të Kinës. Një nga hartuesit e përgjithshëm të kësaj mbrëmje zoti U Tian Sin tha:

"Qyteti i Hanxhout është terreni kryesor i këtij festivali, njerëzit e quajnë Hanxhoun si parajsë tokësore. Duke e zgjedhur këtë temë, kemi për qëllim të pasqyrojmë dëshirën e mirë të njerëzve për synimin e harmonisë me natyrën. Ne shpresojmë që ambjenti ynë i banimit të jetë më i mirë dhe krahas zhvillimit ekonomik, edhe shoqëria jonë të zhvillohet, edhe kultura të ecë përpara në mënyrë sinkronike dhe njëherazi të mbrohen mirë mjedisi dhe burimet tona."

E gjithë mbrëmja përbëhet nga prologu dhe epilogu, si dhe 4 pjesë të mëdha koreografike, ndër to pjesa e parë është kryesisht me programet muzikore, ku pasqyrohet dialogu i përzemërt midis njerëzimit dhe natyrës së madhe, pjesa e dytë është kryesisht me valle, ku pasqyrohet larmia e arteve koreografike kineze, pjesa e tretë është kryesisht me pjesë operistike, ku pasqyrohet bukuria e operave kineze, kurse pjesa e katërt është kryesisht me numra akrobatike, ku pasqyrohet mjeshtria e lartë e arteve akrobatike kineze.

Melodia koreografike: "Vjelja e çajit në mes të shiut". Ky valle pasqyron pamjen e gëzueshme të vjeljes së vajzave nëpër shpatet e kodrave. Në këtë valle, të përpunuar në bazë të këngës popullore të provincës Xhekiang: "Melodia e valles së vjeljes së çajit", është futur edhe muzika elektronike, kështu që kjo valle koreografike ka ndërthurur bukur karakteristikat lokale dhe veçoritë e kohës. Në vargjet e këngës thuhet: "Uji i përroit të gjatë është i kulluar, në dy brigjet e përroit ka panorama të bukura. Vëlla, ti po punon në orizore, kurse unë po vjel çaj nëpër shpatet e malit. Jemi shumë të zënë me punën e mbjelljes së fidaneve të orizit dhe me vjeljen e çajit, por jemi të gëzuar dhe të lumtur."

Kënga: "I këndohet qiellit" ndahet në dy pjesë, në pjesën e parë interpretohet në gjuhën e kombësisë xhuane të Guansisë nga 60 vajza të veshura me ngjyrë të zezë dhe që mbajnë në dorë Tiançinin, një lloj vegle muzikore të lashtë dhe në këmbë kanë varur tingëlloret prej argjendi. Tingujt e veglave muzikore Tiançin dhe tingujt e tingëlloreve nëpër këmbë harmonizohen shumë bukur. Në pjesën e dytë të kësaj kënge interpreton sopranoja kineze që jeton në Amerikë Huang Jing, e cila i këndon bukurisë së vendlindjes xhuane. Të dashur lexues, shijuat pjesën e parë të programit muzikor: " Parajsë tokësore plot rreze dielli". ( Daming )