Kënga që po dëgjoni titullohet " Këngë e një qyteti të vogël". Nëpërmjet ritmit tingullues, në këtë këngë popullore nga Zhë Jiang, shprehen dashuria dhe malli i thellë i njerëzve ndaj vendlindjes së tyre. Në të, shkruhet "Në një qytet të vogël ka një këngë të kënduar për një kohë shumë të gjatë. Ajo shpreh ndjenjat e mia për vendlindjen. Kudo që shkoj, kjo këngë vlon në zemrën time. "

Në provincën Zhë Jiang që ndodhet në bregdetin juglindor të Kinës, ka toka pjellore dhe burime të pasura ujore, këtu prodhohen drithëra, mëndafsh dhe rriten shumë peshq.

Për shkak të mjedisit të ndërlikuar gjeografik të kësaj province, banorët e zonave të ndryshme kanë formuar mënyrat e jetesës, dialektet, doket e zakonet e veta. Një fakt i tillë krijon shumëllojshmërinë e këngëve popullore në Zhë Jiang. Për shembull, në zonat fushore ka këngë barke, këngë orizoreje,etj., në zonë malore ka këngë malore, këngë barinjsh etj., kurse në zonë bregdetare ka këngë peshkatarësh etj. Tani, ju ftojmë të dëgjoni një këngë orizoreje të përhapur në rajonin Jia Shan të provincës Zhë Jiang. Në mes melodisë së gëzueshme, përshkruhet një tablo e punës së vajzave në arë.

Në pjesën lindore e provincës Zhë Jiang që laget nga deti lindor i Kinës ka porte dhe ishuj të shumtë. Ndër ta kanë ishujt më të mëdhenj të Kinës, si Zhou Shan, ku ka shumë lloje peshqish, dhe sasia e produkteve detare zë vendin e parë të Kinës. Peshkatarët punëtorë dhe optimistë në ishuj, çdo ditë, me këngën e peshkatarëve në gojë, nisen për peshkim.

Pra, në fund të këtij programi, le ta shijojmë këtë këngë të peshkatarëve. (Çan Yean )