Agjensia Kineze e Lajmeve Hsinhua njoftoi, më 25 tetor, se për të nxitur zhvillimin e arsimit në rajonet kufitare dhe në rajonet me pakicat kombëtare, provinca Junan e Kinës jug-perëndimore ka marrë masa për shkollimin falas të nxënësve të shkollave fillore dhe të shkollave të mesme në fshatrat kufitarë dhe në fshatrat me pakicat kombëtare. Gjatë 4 vjetëve pas zbatimit të këtyre masave janë shkolluar 400 mijë nxënës të shkollave fillore dhe të shkollaver të mesme në fshatrat e 11 distrikteve kufitare të kësaj province

Provinca Junan ka 8 qarqe dhe 25 distrikte që kufizohen me Birmaninë, Vjetnamin dhe Laosin. Për shkaqe historike dhe natyrore, shumë fëmijë të familjeve të varfra të fshatrave të këtyre distrikteve nuk kanë qenë në gjendje të arsimohen. Në vitin 2000, provinca Junan përdori fondin e ndërtimit prej 18 milionë juanësh në ndihmë të fëmijëve të familjeve të varfra për shkollimin e tyre. Po atë vit, u shkolluan 130 mijë famijë të tillë.

Për të kryer si duhet këtë punë, provinca Junan ka shtuar çdo vit fondet në këtë drejtim dhe e konsideron këtë punë si një nga punët e saj kryesore në shërbim të popullit. Provinca Junan ka hartuar edhe metodat përkatëse për të sistemuar këtë arsim falas. Shuma e fondeve për këtë punë është shtuar në 70 milionë juanë, nga 18 milionë juanë që ka qenë.

Ky arsim falas i fëmijëve të familjeve të varfra të fshatrave kufitarë dhe të fshatrave me pakicat kombëtare ka bërë që fëmijët e këtyre fshatrave të ndjejnë nga afër dashurinë dhe kujdesin e partisë dhe të qeverisë kineze për ta dhe ka ngritur në mënyrë të dukshme përqindjen e arsimit të fëmijëve të moshës shkollore të këtyre fshatrave. ( zhang )