Kryetari i Institutit Kërkimor i Dunhuangut Fan Jin Shi tha se është e pamohueshme që pjesëmarrja aktive e institucioneve e organizatave të huaja të mbrojtjes së relikteve janë bërë pjesë e rëndësishme përbërëse e mbrotjes së Dunhuangut. Ndihmat e pandërprera në fonde, teknologji, kuadro dhe pajisje kanë ngritur nivelin e mbrojtjes në drejtime të ndryshme. Pjesëmarrja e organizatave të huaja në mbrotjen e Dunhuangut filloi nga fundi i viteve 80-të të shkullit të kaluar. Gjatë afro 20 vjetëve të fundit, morën pjesë në mbrojtjen e Dunhuangut Instituti Kërkimor Amerikan i Mbrojtjes së Relikteve Geti, Fondi Amerikan Melon, Universiteti Amerikan North-Uest, Instituti Kërkimor i Pasurive kulturore të Tokios, Komiteti i Trashëgimisë të Australisë, Universiteti i Artit të Tokjos, Universiteti Otava të Japonisë, etj.

Specialistë të huaj dhe kinezë kanë bashkëpunuar në shumë drejtime lidhur me mbrojtjen e relikteve në Dunhuang, si kontrollin e mjedisit brenda e jashtë shpellave, sistemimin e dëmeve nga stuhitë, kërkimin e rregullave të dëmtimit të pikturave në mur, zgjedhjet e materialeve mbrojtëse, riparimi të pikturave në mur, regjistrimi i relikteve në mënyrë dixhitale, etj. Ndër këto objekte, më me influencë është bashkëpunimi afatgjatë lidhur me shpellën nr. 85 të Guvave Mogaoku midis Institutit Kërkimor të Dunhuangut dhe Institutit Kërkimor Amerikan të mbrojtjes së relikteve Geti. Ky objekt është pika e parë eksperimentale nën drejtimin e "Kriteret e Kinës për mbrojtjen e monumenteve dhe relikteve", i cili është gjithashtu rezultati i bashkëpunimit ndërkombëtar dhe u hartua bashkarisht nga Drejtoria Shtetërore të Relikteve të Kinës, Instituti Amerikan Geti dhe Komiteti i Trashëgimisë të Australisë.

Drejtuesi Institutit Geti, Tim Velun tha: "Me përpjekje të paepura, kapërcyem vështirësi e pengesa të ndryshme dhe krijuam besim reciprok. Objekti i shpellës nr.85 të Guvave Mogaoku është konkretizuar normalisht dhe është më i suksesshmi ndër të gjitha objektet e institutit tonë me bashkëpunim ndërkombëtar."

Drejtori i Institutit të Dunhuangut Fan Jin Shi tha: "Gjatë bashkëpunimit 15 vjeçar me Institutin Geti, është ngritur pandërprerë teknologjia e mbrojtjes dhe niveli akministrativ, duke marrë shumë përvojë të huaj në mbrojtjen e relikteve."

Bashkëpunimi kino-amerikan në mbrojtjen e Guave Mogaoku ka tërhequr vëmendje të madhe të specialistëve kinezë dhe të huaj. Ata janë të mendimit se ky meriton të merret si shembull për bashkëpunimin ndërkombëtar të mbrojtjes së relikteve. Rezultatet e këtij bashkëpunimi jo vetëm kanë zgjidhur shumë probleme në mbrojtjen e Guvave vet Mogaoku, por kanë edhe rëndësi për mbrojtjen e monumenteve e relikteve të tjera gjatë rrugës së mëndafshit. Në fakt për shkak të ndryshimeve në gjuhë dhe kulturë, nuk është e lehtë që të vazhdohet një bashkëpunim ndërkombëtar për kohë të gjatë. Veçanërisht në fushën e mbrojtjes së relikteve, çdo hap i përparimit shoqërohet me vëshirësi dhe sfidë.

Drejtori Fan Jin Shi tha se të gjithë partnerët që Instituti Kërkimor i Dunhuangut zgjedh janë orgnizatat e nivelit të parë në botë, me teknologji të lartë dhe potencial të fuqishëm. Përveç kësaj, objektet e bashkëpunimit janë ato që u interesojnë të dy palëve, gjë që garanton zhvillimin efektiv dhe të vazhdueshëm të bashkëpunimit. (Uang Lei)