dëgjoni

Në Kinë, me të përmendur emrin e personit Yingda, nuk gjen pothuajse asnje që nuk e njeh. Si artist, rolet e luajtura prej tij u kanë lënë përshtypje shumë të thellë spektatorëve, si prezantues televiziv, rubrika e tij "skena e çiftit " ndiqet gjithmonë nga një numër i madh teleshikuesish, kurse si regjisor, ai është më i suksesshëm në drejtimin e filmavë televizivë humoristikë të dhomës. Yingda është pekinas dhe sivjet mbushi 44 vjet. Ai lindi në një familje shumë të njohur kineze. Stërgjyshi dhe gjyshi i tij ishin dijëtarë të njohur kinezë, kurse babai i tij Ying Ruo Cheng ishte artist i njohur me ndikim ndërkombëtar. Nën ndikimin familjar, Yingda dhe dy vellezërit e tij ushqejnë një dashuri të madhe për artin dhe letërsinë dhe u bënë njeri pas tjetrit regjisorë dhe artistë shumë të njohur në Kinë. Yingda shprehu mendimin se gjatë rrugës së tij të rritjes, babai ka ushtruar mbi të një ndikim të madh. Ai tha : ?. Babai im ishte i mendimit se unë nuk kam talent për të luajtur rol si artist dhe më nxiti të studioja për regjisurë. " Në vitin l983, pasi u diplomua nga Fakultetit Psikologjik i Universitetit të Pekinit shumë të njohur në Kinë, ai deshi të vazhdonte studimet në shumë fakultetin e regjisurës të Institutit Qendror Dramaturgjik, por për arsye shëndetësore, kjo dëshirë nuk u realizua. Pastaj, ai shkoi larg në SHBA dhe u diplomua në fakutetin dramaturgjik të Universitetit Missouri. Jeta artistike e Yingdasë filloi me filmin artistik " Aristokracia e fundit " e xhiruar në vitin l988. Megjithëse luajti një rol shumë të vogël me pak fjalë, ai u la përshtypje të thellë spektatorëve. Regjisorja e njohur Ahuang Shu Qing duke parë këtë film, zbuloi këtë fytyrë të panjohur dhe e ftoi atë në rolin e dytë kryesor të filmit serial televiziv "Muri i rrethuar". Në vitin l990, filmi serial televiziv "Muri i rrethuar" pati jehonë të madhe dhe roli i një intelektuali, i luajtur nga Yingda është vlerësuar lart nga spektatorët. Në vitin l993, u vu në ekran filmi televiziv me 40 seri "E dua shtëpinë time" i drejtuar nga regjisori Yingda. Ky ishte filmi i parë televiziv humoristik i dhomës që me një humor të kulturës tradicionale, u dha teleshikuesve një pamje dhe një stil krejt të ri të filmave televizive. Ky film shumë jetësor ka gjetur bërë që të qeshin shumë teleshikues. Vitin e dytë Yingda vuri në ekranin televiziv pjesën e dytë të filmit televiziv me 80 seri " Unë e dua shtëpinë time". Ky film, me gjithësej l20 seri, qe pritur shumë mirë nga teleshikuesit për l0 vjetë, duke u transmetuar herë pas here. Suksesi i madh i filmit televiziv humoristik të dhomës me l20 seri e çoi Yingda në pozitën e regjisorit të njohur dhe ai është quajtur nga kolegët e tij " Babai i filmit humoristik televiziv të dhomës ". Pastaj, ai drejtoi një numër të madh filmash të tillë televiziv humoristik, siç janë "Motra e lirë Ma ", " Tregimet e sallës së stacionit të trenit", "Një familje e Kinës verilindore", "Ditari e përdoruesve të internetit", "Tregime nga sektori i shitjes së banesave " etj. Krijimet e tij janë me tematikë të gjerë dhe shumë jetësore që përshkruajnë nga afër jetën e banorëve të thjeshtë, prandaj filmat e tij televizivë janë pritur nxehtësisht nga teleshikuesit e të gjitha moshave. Krahas transmetimit të filmave të tij televizivë në televizione të ndryshme, Yingdai u shfaq në në ekranin televiziv edhe si prezantues i rubrikës "Skena e çiftit", ku intervistoi çifte të ndryshme për historinë e dashurisë së tyre romatike. Edhe kjo rubrikë është pritur nxehtësisht nga teleshikuesit.

  Duke folur për këtë rubrikë të tij, Yingda tha : "Kjo rubrikë mishëron në një shkallë të madhe edhe stilin tim personal. Nuk dua të bëjë një rubrikë me drama, duke kujtuar të kalurën, disa çifteve u rrodhën lotë emocionesh dhe, në këto raste, unë e thyeja menjëherë gjendjen e ngarkuar psikologjike me humorin tim. " Gjatë intervistës me çifte të ndryshme, Yingdait i lindi edhe mendimi për krijimin e një filmi televiziv ku të marrëdhëniet midis burrit dhe gruas. Së shpejti ai do të vijë në ekranin televizi me "Martesa me fëmijë", një film ky përsëri plot humor e hare.(zhai)