Në rubrikën muzikore për sot do t'ju prezantoj muzikat e Uang Tie Çui-it. Ai është muzikanti i famshëm që i bie veglave muzikore nacionale. Do të dëgjoni tani solon për flaut "Këngë triumfi për lotusin" 

Sapo dëgjuat këngën "Këngë triumfi për lotusin". Melodia e kësaj kënge është e hijshme, e pastër dhe e freskët. Ajo na nxjerr parasysh një pikturë plot me lotus që përkunden në erë me gjallëri dhe me elegancë duke na bërë të adhurojmë cilësinë aristokratike të lotusit.

Muzikanti Uang Tie Çui është lindur në periferi të provincës Hë Bei të Kinës Veriore. Ai filloi të mësojë muzikë që kur ishte i vogël dhe në moshën 7 vjeçare ai mund t'i binte flautit sepse babai i tij ishte muzikant i mirë që i binte flautit mirë. Uang Tie Çui filloi të japë koncerte në moshën 10 vjeçare. Me praktikën afatgjatë muzikore, Uang Tie Çui, në bazë të muzikës kombëtare e folklorike, ka zhvilluar më tej format e interpretimit me flaut dhe ka formuar karakteristikën e vet artistike të veçantë. Do të dëgjoni tani këngën "Melodia e dashurisë". Kjo këngë është kompozuar sipas melodive folklorike të kombësisë Ha'ni dhe Ji.

Uang Tie Çui është një muzikant i talentuar. Ai mund t'i bjerë jo vetëm flautit por edhe Siao-s, Ba U-s, Hu Lu S-s dhe Syn-it. Ai ka kompozuar shumë vepra muzikore me këta vegla. Do të dëgjoni tani këngën "Afër lumit Rui Li". Hu Lu s quhet edhe Hu Lu Siao. Ai është mirëpritur nëpër kombësitë e pacikave në provincën Yun Nan të jug perëmdimit të Kinës. Kënga "Afër lumit Rui Li" është kompozuar sipas elementeve muzikore folklorike të kombësisë Taj. Kjo këngë na paraqit si në një pikturë e panoramat natyrore të bukura afër lumit Rui Li të provincës Yun Nan. Në këtë pikturë njerëzit festojnë "Festën e ujërave".