Satelitet A dhe B të këtij tipi që u lëshuan përkatësisht në vitin 1997 dhe në vitin 2000, ishin satelite eksperimentale. Ky satelit që u lëshua më 19 tetor, është sateliti C, sateliti i parë meteorologjik i tipit profesionist në orbitën e fiksuar të Tokës. Kapaciteti i tij është shumë më i lartë se dy satelitet e mëparshme dhe ka arritur nivelin e satelitit metaorologjik të tipit të ri ndërkombëtar.

Që nga viti 1988, kur u lëshua sateliti i parë meteorologjik e deri tani, Kina ka lëshuar me sukses gjithësej 7 satelite meteorologjike të prodhuar nga Instituti i Teknologjisë Kozmike të Shangait. Sipas planit, në vitet e ardhshme Kina do të lëshojë edhe disa satelite të këtij tipi, për të plotësuar kërkesat e paralajmërimit meteorologjik dhe të mbikëqyrjes së mjedisit atmosferik të Tokës.

Ky satelit u lëshua nëpërmjet raketës " marshim i madh " Nr.3 A. Kjo raketë peshon 300 tonë dhe është 52,52 metra e gjatë. Ajo është raketa kryesore e Kinës për lëshimin e sateliteve në orbitë të lartë.

Që nga 8 shkurti i vitit 1994, kur u bë lëshimi i parë me raketën e këtij tipi, janë bërë 9 lëshime të suksesshme. Kjo është hera e parë që me raketën " marshim i madh " Nr 3 A u lëshua një satelit meteorologjik. Ky është gjithashtu lëshimi i 81-të me raketëmbajtëse komplekse " marshim i madh ". ( zhang )