Këngët malore këndohen në mënyrë improvizive nga punonjësit kinezë në arë e rrëzë malit. Ato janë me motive të larta e kumbuese, me ritëm relativisht të lirshëm, pra janë të preferueshme nga punonjësit. Sot, të dashur lexjues, do t'ju njohim me këngë malore të larmishme të kombësisë Hane të Kinës.

Kënga malore e provincës Yunan të Kinës jugore, me titull: "Lumi i madh dallgëzohet".

Këngët malore kanë përmbajtje shumë të pasura, janë dy llojesh. Njëri lloj është me përmbajtje shoqërore, që pasqyron akuzat e punonjësve të Kinës së vjetër kundër përshtypjes, shfrytëzimit dhe sistemit joracional shoqëror. Lloji tjetër i këngëve malore pasqyron dashurinë, martesën, jetën familjare, punën etj. Shumica e këtij lloji janë këngë dashurie. Në Kinën e vjetër, feudalizmi e kishte shtypur gjatë popullin dhe dashuria e lirë nuk lejohej në asnjë mënyrë. Pra në kushte të tilla shoqërore, njerëzit duke shfrytëzuar këngët malore, nxirrnin ndjenjat e brendshme të vërteta, për të kundërshtuar sistemin feudal.

Kënga malore e provincës Shensi të Kinës veri-perendimore titullohet: "Lanhuahua", në të cilën i këndohet vajzës së bukur e të zgjuar Lanhuahua në Kinën e vjetër. Ajo u detyrua të martohej me çifligarin Zhou. Në këtë këngë i këndohet frymës së saj që nuk iu nënshtrua sistemit feudal, por kërkonte lirinë e martesës. Më në fund, ajo u arratis së bashku me të dashurin e saj.

Ndër këngët malore ka shumë këngë me përmbajtje argëtuese dhe me humor. Në provincën Hunan të Kinës jug-qendrore është e përhapur një këngë malore që titullohet: "Jashtë çuni këndon këngë malore". Në këngë përshkruhet një kontekst i tillë: Një djalosh kur pa vajzën e tij të dashur duke punuar tek makina e tezgjahut pranë dritares, ia nisi këngës malore jashtë shtëpisë së vajzës. Vajza duke e dëgjuar këngën dashurie të të dashurit të saj, e ndërpreu punën e endjes. Në këtë kohë nëna e vajzës duke e pikasur këtë gjendje, filloi ta qortonte të bijën: " Mos dëgjo ato këngë malore, sepse në to ai po të shpreh ty dashurinë e tij." Kurse vajza iu përgjigj nënës: "Mos më qorto, edhe juve kur ishit e re, ju pëlqenin këngë të tilla dashurie. Nëse nuk keni dëgjuar këngë malore, atëhere, si më keni lindur mua? Nëse unë nuk i dëgjoj këngët malore, atëhere, si do të vijë nipi, që do t'ju thërrasë gjyshe?"

Këngët malore të kombësisë Hane ndahen në tri lloje të mëdha sipas motivit, me motiv të lartë, të mesëm dhe të ulët. Më poshtë ju ftoj të shijoni këngën malore me motiv të ulët me titull: "Jemi të gëzuar pas ngritjes së diellit në qiell", që është e përhapur në zonën Sëçuan të Kinës jug-perëndimore. Në këtë këngë me ritëm të pastër, të thjeshtë e të rrjedhshëm pasqyrohet gëzimi i njerëzve gjatë punës.

Të dashur lexues, ju njohëm me këngë malore të larmishme të kombësive Hane të Kinës. ( Daming )